2021 جىلدىڭ باسىنان بەرٸ كارانتين تالاپتارىن بۇزۋدىڭ 635 فاكتٸسٸ انىقتالدى. بۇل تۋرالى نۇر-سۇلتان قالالىق پوليتسييا دەپارتامەنتٸ جەرگٸلٸكتٸ پوليتسييا قىزمەتٸنٸڭ باسشىسى ارمان ايتماعامبەتوۆ ايتتى, دەپ حابارلايدى قازاقپارات.
«بٸزگە تٷرلٸ بايلانىس قۇرالدارى ارقىلى ازاماتتاردان بيزنەس نىساندارىنىڭ كارانتين رەجيمٸن بۇزعانى تۋرالى حابارلامالار كٷن سايىن تٷسٸپ تۇرادى. جىل باسىنان بەرٸ كارانتين رەجيمٸن بۇزۋدىڭ 635 فاكتٸسٸ انىقتالدى. ونىڭ ٸشٸندە تٷنگٸ كلۋبتار, مەيرامحانالار, دەمحانالاردىڭ كارانتين رەجيمٸن بۇزعانى تۋرالى 532 فاكتٸ, دٷكەندەر, ساۋدا ورتالىقتارى, بازارلاردا 51 فاكتٸ شاشتارازدار, سۇلۋلىق سالوندار, ساۋنالاردا 26 فاكتٸ انىقتالدى. كارانتين تالاپتارىن بۇزۋعا قاتىستى انىقتالعان فاكتٸلەر بويىنشا ماتەريالدار نۇر-سۇلتان قالالىق تاۋارلار مەن كٶرسەتٸلەتٸن قىزمەتتەرٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ جٸبەرٸلدٸ», - دەدٸ ارمان ايتماعامبەتوۆ ەلوردا ەكٸمدٸگٸندە ٶتكەن بريفينگ بارىسىندا.
سونىمەن قاتار ول بٷگٸنگٸ كٷنگە دەيٸن 140 زاڭدى تۇلعا 29 ملن تەڭگەدەن استام سوماعا ەكٸمشٸلٸك ايىپپۇل ارقالاعانىن ايتتى.
