Nur-Sultan qalalyq sailaý komissiiasynyń tóraǵasy Baqyt Bektemisova elordadaǵy sailaý ýchaskeleri týraly aityp berdi, dep habarlaidy QazAqparat.
«Joǵarǵy ókilettik organdy sailaý – elimizdegi eleýli qoǵamdyq-saiasi oqiǵa. «Qazaqstan Respýblikasyndaǵy sailaý týraly» QR Konstitýtsiialyq zańynda máslihattar depýtattaryn kezekti sailaýdy taǵaiyndaý Ortalyq sailaý komissiiasynyń quzyretine jatqyzylǵan.
Osyǵan bailanysty, Qazaqstan Respýblikasy Ortalyq sailaý komissiiasynyń 2020 jylǵy 21 qazandaǵy № 29/334 qaýlysymen Qazaqstan Respýblikasy máslihattary depýtattarynyń kezekti sailaýy 2021 jylǵy 10 qańtarǵa taǵaiyndaldy», - dep eske saldy Baqyt Bektemisova.
Onyń sózine qaraǵanda, Nur-Sultan qalasynda 354 sailaý ýchaskesi bar: 5 aýmaqtyq jáne 349 ýchaskelik. Olardyń ishinde 66 ýchaskelik sailaý komissiiasy Qazaqstan Respýblikasynyń shet elderdegi ókildikteriniń janynda.
«Jyl basynan beri jańadan 50 sailaý ýchaskesi quryldy. Qazirgi jaǵdai boiynsha Nur-Sultan qalasy boiynsha barlyǵy 3322 komissiia múshesi bar, olardyń ishinde 35-i aýmaqtyq jáne 3287-si ýchaskelik», - dedi B. Bektemisova.
