نۇر-سۇلتان قالالىق سايلاۋ كوميسسيياسىنىڭ تٶراعاسى باقىت بەكتەمٸسوۆا ەلورداداعى سايلاۋ ۋچاسكەلەرٸ تۋرالى ايتىپ بەردٸ, دەپ حابارلايدى قازاقپارات.
«جوعارعى ٶكٸلەتتٸك ورگاندى سايلاۋ – ەلٸمٸزدەگٸ ەلەۋلٸ قوعامدىق-ساياسي وقيعا. «قازاقستان رەسپۋبليكاسىنداعى سايلاۋ تۋرالى» قر كونستيتۋتسييالىق زاڭىندا مەسليحاتتار دەپۋتاتتارىن كەزەكتٸ سايلاۋدى تاعايىنداۋ ورتالىق سايلاۋ كوميسسيياسىنىڭ قۇزىرەتٸنە جاتقىزىلعان.
وسىعان بايلانىستى, قازاقستان رەسپۋبليكاسى ورتالىق سايلاۋ كوميسسيياسىنىڭ 2020 جىلعى 21 قازانداعى № 29/334 قاۋلىسىمەن قازاقستان رەسپۋبليكاسى مەسليحاتتارى دەپۋتاتتارىنىڭ كەزەكتٸ سايلاۋى 2021 جىلعى 10 قاڭتارعا تاعايىندالدى», - دەپ ەسكە سالدى باقىت بەكتەمٸسوۆا.
ونىڭ سٶزٸنە قاراعاندا, نۇر-سۇلتان قالاسىندا 354 سايلاۋ ۋچاسكەسٸ بار: 5 اۋماقتىق جەنە 349 ۋچاسكەلٸك. ولاردىڭ ٸشٸندە 66 ۋچاسكەلٸك سايلاۋ كوميسسيياسى قازاقستان رەسپۋبليكاسىنىڭ شەت ەلدەردەگٸ ٶكٸلدٸكتەرٸنٸڭ جانىندا.
«جىل باسىنان بەرٸ جاڭادان 50 سايلاۋ ۋچاسكەسٸ قۇرىلدى. قازٸرگٸ جاعداي بويىنشا نۇر-سۇلتان قالاسى بويىنشا بارلىعى 3322 كوميسسييا مٷشەسٸ بار, ولاردىڭ ٸشٸندە 35-ٸ اۋماقتىق جەنە 3287-سٸ ۋچاسكەلٸك», - دەدٸ ب. بەكتەمٸسوۆا.
