Elordada jýrnalist kelinshekti óltirgen kóńildesine izdeý jariialandy. Bul týraly QR IIM resmi ókili Almas Sadýbaev málim etti, dep habarlaidy QazAqparat tilshisi.
«Keshe túnde qaiǵyly oqiǵa oryn aldy. Jýrnalist I.Beketovany ashynasy A.Gýseinov ony úidiń kire berisinde ózge er adammen turǵanyn kórip, qyzǵanyshtan óltirgen. Qaza tapqan azamatsha men kóńildes arasynda urys-keris oryn alǵan. Urys-keristi kórgen qaza tapqan azamatshanyń tanysy ketip qalmaq bolǵan. Alaida ol ketip bara jatyp, onyń áieldi uryp jatqanyn estigen. Qaita ainalyp joǵary kóterilgende es-tússiz jatqan áieldi kórip, jedel járdem shaqyrǵan. Bul ýaqytta Gýseinov belgisiz baǵytqa boi tasalaǵan», - dedi resmi ókil.
Onyń dereginshe, Beketova men Gýseinov resmi nekege otyrmaǵan. Olardyń eki balasy bar.
«Qylmyskerdi ustaýǵa elordalyq IID-niń barlyq jeke quramy men kúshteri jumyldyryldy. Atalǵan qylmysty jasaǵany úshin 1984 jyldyń 23 shilde aiynda Astana qalasynda dúniege kelgen Gýseinov Anatolii Mihailovich izdestirilýde. Kez kelgen aqparatty biletin azamattarǵa myna telefondar boiynsha Astana qalalyq IID-ine habarlasýyn suraimyz: 8 (7172) 71-60-17, 71-61-47, 71-60-21 nemese keshekshilik bólim 71-60-10, 71-60-11», - dedi Almas Sadýbaev.
