Nur-Sultan qalasynda JRVI juqtyrǵandar sanynyń kúrt ósýi baiqalady. Bul týraly elordanyń bas sanitar dárigeri Sarhat Beisenova málim etti, dep habarlaidy QazAqparat.
«Epidemiialyq maýsym bastalǵaly beri elordada JRVI aýrýynyń 44 392 jaǵdaiy tirkeldi. Onyń ishinde A tipti tumaýdyń 32 jaǵdaiy esepke alynyp otyr. JRVI-dy juqtyrý kórsetkishi 100 myń turǵynǵa shaqqanda 3748 adamdy qurap otyr. Bul ótken jyldyń osy kezeńiniń salystyrǵanda 6,4 ese joǵary. Atalǵan infektsiia kóbinese 14 jasqa deiingi balalar arasynda taralyp otyr. Olardyń úlesi 60,8% -dy quraidy. Sondai-aq, 1 jasqa deiingi aýyrǵan balalardyń úlesi 6 % jáne júkti áielder úlesi 3,3%- dy quraidy», - dedi Sarhat Beisenova.
Elordanyń bas sanitar dárigeri JRVI-diń balalar arasynda jiileýiniń sebebin oqý jylynyń bastalýymen bailanystyryp otyr.
«Bul mektep, orta arnaýly jáne JOO-da oqý jylynyń bastalýymen bailanysty. Jalpy JRVI juqtyrýshylardyń 27,8% oqýshylar jáne 16,2% mektep jasyna deiingi balalar jáne 7 % stýdentter qurap otyr», - deidi ol.
Onyń aitýynsha, elordada 170 myńnan astam turǵyn JRVI-ǵa qarsy vaktsina aldy.
Sondai-aq, maman JRVI-dan saqtaný sharalaryna qatysty keńes berdi:
- adamdar kóp jinalatyn jerlerde jáne qoǵamdyq kólikte bolý ýaqytyn shekteý;
- adamdar kóp jinalatyn jerlerde maska kiińiz;
- aýrýdyń belgileri bar adamdarmen tyǵyz bailanysta bolýdan aýlaq bolyńyz;
- qoldy sabynmen jýý, quramynda spirt bar, dezinfektsiialyq mailyqtarmen óńdeý;
- áleýmettik qashyqtyqty saqtaý;
- muryn qýysyn tuzdy eritindimen ylǵaldandyryńyz nemese kósheden keiin tuzdy eritindimen shaiyńyz, oksalin jaqpa maiyn jáne dárýmenderdi qoldanyńyz;
Eger siz aýyryp qalsańyz, asqynýlardyń aldyn alý úshin ýaqtyly meditsinalyq kómekke júginińiz jáne infektsiianyń ózgelerge jáne jaqyn adamdarǵa taralýyn toqtatý úshin barlyq saqtyq sharalaryn qoldanyńyz!
