Elordada jol-qurylys jumysyn júrgizip jatqan jumysshylardy soqqyǵa jyǵyp, pyshaqtap ketti, dep habarlaidy Nur-Sultan qalalyq politsiia departamenti.
Oqiǵa saldarynan qalalyq aýrýhanaǵa pyshaqpen jaraqattanǵan úsh jumysshy jetkizildi.
Túnde «102» arnasyna Alash tas joly boiyndaǵy kópirde jappai tóbeles bolyp jatyr degen habarlama kelip tústi. Jol-qurylys jumystaryn júrgizip jatqan jumysshylar brigadasyna shabýyl jasalǵan.
Saǵat 00:40 shamasynda «Leksýs» kóligine mingen belgisiz er adamdar jóndeý júrip jatqan jerge qarai ótpekshi bolǵan. Sózge kelip, keiin tóbeleske ulasqan janjal barysynda «Leksýs» júrgizýshisi men jolaýshylary jumysshylarǵa pyshaq salǵan.
Oqiǵa ornyna ýaqtyly jetken politseiler kólik júrgizýshisi men jolaýshylaryn ustady. Oqiǵa ornyn tintý kezinde pyshaq tabylyp, tárkilendi.
Qazirgi ýaqytta tóbelesti bastaǵan 29 jáne 20 jastaǵy eki azamat ustalyp, Politsiia departamentiniń ýaqytsha ustaý oqshaýlaǵyshyna qamaldy.
Adam densaýlyǵyna qasaqana aýyr ziian keltirý faktisi boiynsha qylmystyq is qozǵaldy. Tergeý júrip jatyr.
