ەلوردادا جول-قۇرىلىس جۇمىسىن جٷرگٸزٸپ جاتقان جۇمىسشىلاردى سوققىعا جىعىپ, پىشاقتاپ كەتتٸ, دەپ حابارلايدى نۇر-سۇلتان قالالىق پوليتسييا دەپارتامەنتٸ.
وقيعا سالدارىنان قالالىق اۋرۋحاناعا پىشاقپەن جاراقاتتانعان ٷش جۇمىسشى جەتكٸزٸلدٸ.
تٷندە «102» ارناسىنا الاش تاس جولى بويىنداعى كٶپٸردە جاپپاي تٶبەلەس بولىپ جاتىر دەگەن حابارلاما كەلٸپ تٷستٸ. جول-قۇرىلىس جۇمىستارىن جٷرگٸزٸپ جاتقان جۇمىسشىلار بريگاداسىنا شابۋىل جاسالعان.
ساعات 00:40 شاماسىندا «لەكسۋس» كٶلٸگٸنە مٸنگەن بەلگٸسٸز ەر ادامدار جٶندەۋ جٷرٸپ جاتقان جەرگە قاراي ٶتپەكشٸ بولعان. سٶزگە كەلٸپ, كەيٸن تٶبەلەسكە ۇلاسقان جانجال بارىسىندا «لەكسۋس» جٷرگٸزۋشٸسٸ مەن جولاۋشىلارى جۇمىسشىلارعا پىشاق سالعان.
وقيعا ورنىنا ۋاقتىلى جەتكەن پوليتسەيلەر كٶلٸك جٷرگٸزۋشٸسٸ مەن جولاۋشىلارىن ۇستادى. وقيعا ورنىن تٸنتۋ كەزٸندە پىشاق تابىلىپ, تەركٸلەندٸ.
قازٸرگٸ ۋاقىتتا تٶبەلەستٸ باستاعان 29 جەنە 20 جاستاعى ەكٸ ازامات ۇستالىپ, پوليتسييا دەپارتامەنتٸنٸڭ ۋاقىتشا ۇستاۋ وقشاۋلاعىشىنا قامالدى.
ادام دەنساۋلىعىنا قاساقانا اۋىر زييان كەلتٸرۋ فاكتٸسٸ بويىنشا قىلمىستىق ٸس قوزعالدى. تەرگەۋ جٷرٸپ جاتىر.
