Biyl elordada jeńildikpen beriletin 8 myńnan astam páter salynady. Bul týraly "Ult aqparat" ákimdikke silteme jasap habarlaidy.
Qala ákimi Altai Kólginov R. Qoshqarbaev dańǵyly men Ainakól (№23-17), R. Qoshqarbaev pen A 104 (jobalyq ataýy) kósheleriniń qiylysynda ornalasqan birqatar áleýmettik turǵyn úilerdiń qurylys barysymen tanysty.
Áleýmettik páterlerdiń jalpy aýdany — 500 myń sharshy metr. Páterler kezekte turǵan az qamtylǵan azamattar men turǵyn úi qurylys jinaq bankiniń salymshylaryna eseptelgen. Elorda ákimi Altai Kólginov turǵyn úilerdiń qurylysy kezinde «qadamdyq qoljetimdilik» qaǵidasyn eskerý qajet ekenin atap ótti. Jańadan salynǵan turǵyn úiler barlyq jaǵynan yńǵaily bolýy kerek.
«Turǵyn úilerdiń qasynda adamdardyń turmys-tirshiligin qamtamasyz etetin barlyq nysandar bolýy kerek. Jańadan salynǵan úilerdiń birinshi qabatynda balalarǵa arnalǵan shaǵyn ortalyqtar, emhana, politsiia pýnktin, ońaltý ortalyqtaryn ashqan jón. Balany mektepke ne balabaqshaǵa aparý úshin qalanyń basqa shetine barý qajettiligi týyndamaidy. Memleket basshysynyń tapsyrmasyna sáikes biyl qurylys kólemi úsh ese ulǵaiady. Eger 2019 jyly 2900 turǵyn páter alsa, biyl 8 myńnan astam páter beriledi», - dedi qala ákimi Altai Kólginov.
Sonymen birge elordada apatty jáne eski úilerdiń turǵyndaryn kóshirý jumystary júrgizilip jatyr. Biyl 5 apatty úidi buzyp, 200-den astam páter turǵyndaryn kóshirý josparlanyp otyr. 2019 jyly «Nurly jer» baǵdarlamasy aiasynda eski 8 úidiń turǵyndary qonys aýdardy. 90-nan astam otbasy jańa páterlerge kóshti. Turǵyndardy kóshirý jumystary 39 razezde de júrgizildi. Úiler munai bazalaryna jaqyn jerde ornalasty.
