Saraishyq kóshesindegi kópirdiń astynda eń úlken balalar ekoalańqailarynyń biri ashyldy, dep habarlaidy "Ult aqparat" Nur-Sultan qalasynyń sáýlet, qala qurylysy jáne jer qatynastary basqarmasynyń baspasóz qyzmetine silteme jasap.
«Ol ortalyq Triatlon parkinen Prezident saiabaǵyna deiin jalǵasyp jatyr. Oiyn alańynyń jalpy kólemi – 1088 sharshy metr. Ol shaǵyn sáýlet úlgilerimen tolyǵady. Ekstremaldy sport túrlerin súietinderge parkýr-alań ashylady dep josparlanyp otyr. Aita ketsek, osy sekildi qoǵamdyq alań L.N.Gýmilev atyndaǵy EUÝ janyndaǵy kópirdiń astynda bar. Ol jerde stritboll, ústel tennisi, skeit-alań, vorkaýt-zona jáne strit-art paida bolady» dep habarlady baspasóz qyzmeti.
Sondai-aq, aqparat boiynsha astanalyq ýrbanistika ortalyǵy asa kórnekti sportshylar jáne Olimpiada chempiondary Jaqsylyq Úshkempirov pen Denis Ten beinelengen graffiti salynatyn lokatsiiany qarastyryp jatyr.
«Bul qazaqstandyq sport juldyzdarynyń esimi ár qazaqstandyqtyń jadynda máńgi saqtalatyny anyq. Jańa núktelerdi jáne «adamdarǵa arnalǵan qalany» qurý boiynsha barlyq jumystar «Nur-Sultan – jaily qala» master-jospary aiasynda júrgizilip jatyr. Biyl elordada 150 aýla abattandyrylyp, 54 qoǵamdyq keńistik soǵyldy» dep tolyqtyrdy basqarma ókilderi.
