Nur-Sultan qalasynyń turǵyndary bas memlekettik sanitarlyq dárigeri Aigúl Shaǵaltaevanyń qaýlysyna sáikes, 17 tamyzdan bastap meiramhana, dámhana, barlardyń jumysyna ruqsat beriledi, dep habarlaidy "Ult aqparat".
Qujatta qoǵamdyq tamaqtandyrý obektileriniń jumysyn (meiramhanalar, kafeler, barlar, ashanalar) kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtai otyryp, ǵimarattyń ishinde 30-dan artyq emes jáne jazǵy alańda 30-dan artyq emes oryndyqtardyń tolymdylyǵy boiynsha sharttardy saqtaýmen jáne kórshi ústelderdiń shetki oryndary arasynda keminde 2 metr áleýmettik qashyqtyqty saqtai otyryp, bir ústelge 4-6 adamnan aspaityndai etip otyrǵyzýmen jumys kúnderi jumys kestesin 9:00-den 23:00-ge deiin ruqat etiletindigi aitylǵan.
Al jeke ielik aýmaqtary men turǵyn úi ǵimarattarynda ornalasqan obektiler úshin jumys kestesi saǵat 9:00-den 22:00-ge deiin belgilei otyryp uiymdastyrylady.
Demalys kúnderi qoǵamdyq tamaqtandyrý obektileriniń jumysy tek ashyq aýada otyratyn oryn sany 30-dan aspaityndai jáne tamaq jetkizýge, ózi alyp ketýge tyiym salýmen, jumys kestesi saǵat 9:00-den 22:00-ge deiin belgilene otyryp ruqsat beriledi.
Bul rette, ujymdyq, saltanatty, otbasylyq jáne basqa da buqaralyq is-sharalardy ótkizýge tyiym salynady.
