Elordanyń tártip saqshylary vaktsina pasportyn qoldan jasap, olardy satý faktisiniń aldyn aldy, dep habarlaidy "Ult aqparat" Nur-Sultan qalasy Politsiia departamentiniń baspasóz qyzmetine silteme jasap.
Politseiler nazaryna kez kelgen úlgidegi qujat daiyndaýdy ýáde etken jas er adam túsken. Ol qala turǵyndaryna vaktsinalaý tólqujatyn 20 kún ishinde daiyndap berýdi usyndy. Bul rette tapsyrys berýshiler aqshany aldyn ala tóleýi tiis boldy. Er adam jumys ornynyń janynda 50 myń teńge kólemindegi aqshany alý ústinde ustaldy. 28 jastaǵy kúdiktiniń aitýynsha, ol osylaisha aqsha tappaq bolǵan.
Atalǵan fakti boiynsha qylmystyq is qozǵaldy. Vaktsina pasporttaryn alý úshin atalǵan er adamnyń «kómegine» júginip aldanǵan azamattardyń sany anyqtalýda.
Nur-Sultan qalasynyń Politsiia departamenti azamattardy zańǵa qaishy kez kelgen áreket úshin jaýapkershilik qarastyrylatynyn eskertedi.
