Nur-Sultanda 28 qazan men 28 jeltoqsan aralyǵynda koronavirýsqa qarsy vaktsina alǵan zeinetkerler Saryaǵash (Túrkistan oblysy), Oqjetpes (Aqmola oblysy), Moiyldy (Pavlodar oblysy) shipajailaryna tegin joldama alý múmkindigine ie.
Utys oiynyna elordanyń kez kelgen vaktsinatsiia pýnktinde vaktsinanyń birinshi komponentin alǵan zeinetkerler qatysa alady.
Baiqaý ádettegidei avtomatty rejimde ótkiziledi. Azamattarǵa qujattardy toltyrýdyń jáne tirkeýden ótýdiń qajeti joq. Sanatoriige joldamalardyń utys oiyny Nur-Sultan qalasy ákimdiginiń resmi paraqshalarynda (Facebook, YouTube) tikelei efirde ótedi.
Aita ketý kerek, Nur-Sultanda koronavirýsqa qarsy vaktsinatsiialanǵandar arasynda Maldivke eki adamǵa joldama jáne basqa da baǵaly syilyqtar oinatylady. Koronavirýstyń jańa "omikron" shtamynyń taralýyna bailanysty shetelde oryn alǵan qolaisyz epidemiologiialyq jaǵdaiǵa bailanysty utys oiyny 2022 jyldyń aqpan aiyna aýystyryldy. Oǵan 2021 jyldyń 25 qazanynan 2022 jyldyń aqpanyna deiin vaktsinanyń 1-shi komponentin alǵan vaktsinalanǵandar qatysady.
Buǵan deiin elorda ákimdigi demeýshilermen birlesip koronavirýsqa qarsy vaktsinatsiialanǵandar arasynda eki bólmeli páter, avtokólik, 20-dan astam iPhone12, turmystyq tehnika jáne basqa da baǵaly syilyqtar oinatyldy.
Birge platformasynda utys oiynynyń jeńimpazdaryn anyqtaý úshin arnaiy randomaizer servisi ornatylǵan, ol júlde iegerlerin vaktsinatsiialanǵandardyń ID generatsiiasy arqyly tańdaidy. Ony ázirleýge IT-qaýymdastyq ta qatysty. Vaktsinalanǵandar boiynsha servis QR Densaýlyq saqtaý ministrliginiń aqparattyq júiesimen biriktirilgen.
Baǵaly syilyqtardyń utys oiyndary azamattardy vaktsinatsiialaýǵa yntalandyrý maqsatynda ótkiziledi. Tek vaktsinatsiia sizdiń jáne jaqyndaryńyz ben ainalańyzdaǵy adamdardyń densaýlyǵyn qorǵaýǵa múmkindik beredi.
Óitkeni, basty maqsat - ujymdyq immýnitetti damytý jáne burynǵy karantinge deiingi rejimge oralý.
