نۇر-سۇلتاندا 28 قازان مەن 28 جەلتوقسان ارالىعىندا كوروناۆيرۋسقا قارسى ۆاكتسينا العان زەينەتكەرلەر سارىاعاش (تٷركٸستان وبلىسى), وقجەتپەس (اقمولا وبلىسى), مويىلدى (پاۆلودار وبلىسى) شيپاجايلارىنا تەگٸن جولداما الۋ مٷمكٸندٸگٸنە يە.
ۇتىس ويىنىنا ەلوردانىڭ كەز كەلگەن ۆاكتسيناتسييا پۋنكتٸندە ۆاكتسينانىڭ بٸرٸنشٸ كومپونەنتٸن العان زەينەتكەرلەر قاتىسا الادى.
بايقاۋ ەدەتتەگٸدەي اۆتوماتتى رەجيمدە ٶتكٸزٸلەدٸ. ازاماتتارعا قۇجاتتاردى تولتىرۋدىڭ جەنە تٸركەۋدەن ٶتۋدٸڭ قاجەتٸ جوق. ساناتورييگە جولدامالاردىڭ ۇتىس ويىنى نۇر-سۇلتان قالاسى ەكٸمدٸگٸنٸڭ رەسمي پاراقشالارىندا (Facebook, YouTube) تٸكەلەي ەفيردە ٶتەدٸ.
ايتا كەتۋ كەرەك, نۇر-سۇلتاندا كوروناۆيرۋسقا قارسى ۆاكتسيناتسييالانعاندار اراسىندا مالديۆكە ەكٸ ادامعا جولداما جەنە باسقا دا باعالى سىيلىقتار ويناتىلادى. كوروناۆيرۋستىڭ جاڭا "وميكرون" شتامىنىڭ تارالۋىنا بايلانىستى شەتەلدە ورىن العان قولايسىز ەپيدەميولوگييالىق جاعدايعا بايلانىستى ۇتىس ويىنى 2022 جىلدىڭ اقپان ايىنا اۋىستىرىلدى. وعان 2021 جىلدىڭ 25 قازانىنان 2022 جىلدىڭ اقپانىنا دەيٸن ۆاكتسينانىڭ 1-شٸ كومپونەنتٸن العان ۆاكتسينالانعاندار قاتىسادى.
بۇعان دەيٸن ەلوردا ەكٸمدٸگٸ دەمەۋشٸلەرمەن بٸرلەسٸپ كوروناۆيرۋسقا قارسى ۆاكتسيناتسييالانعاندار اراسىندا ەكٸ بٶلمەلٸ پەتەر, اۆتوكٶلٸك, 20-دان استام iPhone12, تۇرمىستىق تەحنيكا جەنە باسقا دا باعالى سىيلىقتار ويناتىلدى.
Birge پلاتفورماسىندا ۇتىس ويىنىنىڭ جەڭٸمپازدارىن انىقتاۋ ٷشٸن ارنايى راندومايزەر سەرۆيسٸ ورناتىلعان, ول جٷلدە يەگەرلەرٸن ۆاكتسيناتسييالانعانداردىڭ ID گەنەراتسيياسى ارقىلى تاڭدايدى. ونى ەزٸرلەۋگە IT-قاۋىمداستىق تا قاتىستى. ۆاكتسينالانعاندار بويىنشا سەرۆيس قر دەنساۋلىق ساقتاۋ مينيسترلٸگٸنٸڭ اقپاراتتىق جٷيەسٸمەن بٸرٸكتٸرٸلگەن.
باعالى سىيلىقتاردىڭ ۇتىس ويىندارى ازاماتتاردى ۆاكتسيناتسييالاۋعا ىنتالاندىرۋ ماقساتىندا ٶتكٸزٸلەدٸ. تەك ۆاكتسيناتسييا سٸزدٸڭ جەنە جاقىندارىڭىز بەن اينالاڭىزداعى ادامداردىڭ دەنساۋلىعىن قورعاۋعا مٷمكٸندٸك بەرەدٸ.
ٶيتكەنٸ, باستى ماقسات - ۇجىمدىق يممۋنيتەتتٸ دامىتۋ جەنە بۇرىنعى كارانتينگە دەيٸنگٸ رەجيمگە ورالۋ.
