Nur-Sultan qalasynyń tsifrlandyrý jáne memlekettik qyzmet basqarmasynyń bólim basshysy Danial Áitkenov elordada uialy bailanys sapasyn damytý jumystary qalai júrgiziletinin aityp berdi, dep habarlaidy "Ult aqparat".
«Uialy bailanys qyzmetteriniń sapasyn jaqsartý úshin ákimdik Tsifrlyq damý, innovatsiialar jáne aeroǵarysh ónerkásibi ministrligimen, bailanys operatorlarymen antennalyq-machtalyq qurylymdardy ornatady», - dedi Danial Áitkenov onlain brifing barysynda.
Onyń aitýynsha, biyl qala aýmaǵynda 16 antennalyq-machtalyq qurylym ornatylady. Bul jumys óz kezeginde qaladaǵy internet sapasyn arttyrýǵa septigin tigizbek.
«Biz qala aýmaǵynda uialy bailanys pen internet nashar tartatyn oryndardy anyqtadyq. Sol ýchaskelerde uialy bailanys operatorlarynyń bazalyq stantsiialaryn ornatamyz. Ol óz kezeginde uialy bailanys salasyndaǵy kemshilikterdi joiady», - dedi ol.
