Elordada qazaqtyń úsh arysy - Sáken Seifýllin, Iliias Jansúgirov jáne Beiimbet Mailinge eskertkishter qoiylady, dep habarlaidy QazAqparat.
Bul týraly búgin Nur-Sultan qalasy ákiminiń orynbasary Baqtiiar Máken «Meniń tilim – uly dala rýhy» HHI qalalyq til festivalinde málim etti.
«Abaidyń 175 jyldyq mereitoiyna arnalǵan sharalar bastalyp ketti. Sonyń aiasynda tuńǵysh ret elordamyzda №87 Abai atyndaǵy mektepti ashtyq. Ál-Farabidiń 1150 jyldyǵyna orai onyń esimin Oqýshylar saraiyna berý josparlanǵan. Biyl halyqaralyq deńgeidegi Jazýshylar konferentsiiasy ótti. Sonyń aiasynda Abai dańǵylynda Jazýshylar alleiasyn saldyq. Sol alleiada úsh arys - Sáken Seifýllin, Iliias Jansúgirov, Beiimbet Mailinniń 125 jyldyǵyna orai eskertkishter ornatylady. Ózge de tulǵalardy ulyqtaý úshin bilim-ǵylym oshaqtaryna belgili qairatkerlerdiń esimin berýdi jalǵastyramyz», - dedi qala ákiminiń orynbasary.
Aita keteiik, «Til týraly» zańnyń qabyldanǵanyna 30 jyl tolýyna orai, búgin elordada memlekettik tildiń qoldanylý aiasyn keńeitip, onyń ultaralyq qatynas quralyna ainalýyna sińirgen eńbegi úshin bir top til janashyry marapattaldy.
