9 maýsymnan beri elordada otbasylyq-turmystyq qarym-qatynastar salasyndaǵy jedel aldyn alý sharasy júrgizildi, dep habarlaidy "Ult aqparat" Nur-Sultan qalasy Politsiia deparatmentiniń baspasóz qyzmetine silteme jasap.
Jedel aldyn aldyn alý sharasy bastalǵaly beri politseiler turǵylyqty jeri boiynsha politsiia esepbinde turǵan 2600-den astam azamatty tekserdi. Onyń ishinde 1 myńnan astamy otbasynda udaiy janjal shyǵaratyndar. Únemi janjaldar bolyp turatyn otbasylarmen profilaktikalyq áńgimeler júrgiziledi, áielderge olardyń quqyqtary túsindirilip, zańgerlik keńester men psihologiialyq kómek kórsetiledi.
Mysaly, «Saryarqa» aýdanynyń áielderdi zorlyq-zombylyqtan qorǵaý jónindegi inspektorlary jubaiy otbasynda únemi janjal shyǵaratyn otbasylyq juppen kezdesti. Politseiler 36 jastaǵy er adamǵa qatysty toǵyz ret qorǵaý nusqamasyn shyǵarǵan, ol «spirttik ishimdikterdi asyra paidalanatyn tulǵa» retinde esepke alynǵan. Sot sheshimi boiynsha janjalqoiǵa qatysty eskertý jasaldy jáne bir jyl merzimge minez-qulyqqa erekshe talap qoiyldy. Otaǵasymen profilaktikalyq áńgime ótkizildi, áielge quqyqtyq kómek jáne zańgerlik keńes kórsetildi.
«Turmys» jedel aldyn alý sharasyn júrgizý kezinde barlyǵy 1500-den astam quqyq buzýshy ákimshilik jaýapqa tartyldy, onyń ishinde 155 azamat otbasylyq-turmystyq qatynastar salasyndaǵy áreketteri úshin jazalanǵan. Onyń ishinde sot sheshimimen densaýlyqqa qasaqana jeńil ziian keltirgeni úshin 48 adam jáne soqqyǵa jyqqany úshin 27 adam jaýapqa tartyldy.
