Biyl elordalyqtardy tumaýǵa qarsy vaktsinatsiialaý úshin 110 myń doza vaktsina satyp alyndy. Bul týraly Nur-Sultan qalalyq qoǵamdyq densaýlyq saqtaý basqarmasynan málim etti, dep habarlaidy "Ult aqparat".
Basqarma málimetinshe, tumaýǵa qarsy vaktsinatsiia jergilikti meken-jaiy boiynsha tirkelgen alǵashqy meditsinalyq-sanitarlyq kómek uiymdarynda júrgiziledi. Vaktsinatsiia sozylmaly aýrýlary bar 18 jasqa deiingi balalarǵa; meditsinalyq qyzmetkerlerge; júkti áielderge (júktiliktiń 2-3 trimestri); jabyq mekemelerdegi adamdarǵa (balalar úii, úi, internat); múgedek eresekter men sozylmaly aýrýlary bar balalarǵa jáne 60 jastan asqan qart adamdarǵa júrgiziledi.
«Qazaqstanda jyl saiyn tumaýǵa qarsy jappai immýndaý tumaýdyń epidemiialyq taralýy men ólim men asqynýlardyń deńgeiin tómendetý maqsatynda júzege asyrylady. Vaktsinatsiia protsesinde aǵzaǵa infektsiialyq agent bólshegi engiziledi. Vaktsinadaǵy infektsiialyq agent aýrýdy týdyrýy múmkin emes, biraq deneni antideneler shyǵarýǵa yntalandyrýy múmkin», - deidi Qoǵamdyq densaýlyq saqtaý basqarmasynyń mamany Fatima Smagýlova.
