بيىل ەلوردالىقتاردى تۇماۋعا قارسى ۆاكتسيناتسييالاۋ ٷشٸن 110 مىڭ دوزا ۆاكتسينا ساتىپ الىندى. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنان مەلٸم ەتتٸ, دەپ حابارلايدى "ۇلت اقپارات".
باسقارما مەلٸمەتٸنشە, تۇماۋعا قارسى ۆاكتسيناتسييا جەرگٸلٸكتٸ مەكەن-جايى بويىنشا تٸركەلگەن العاشقى مەديتسينالىق-سانيتارلىق كٶمەك ۇيىمدارىندا جٷرگٸزٸلەدٸ. ۆاكتسيناتسييا سوزىلمالى اۋرۋلارى بار 18 جاسقا دەيٸنگٸ بالالارعا; مەديتسينالىق قىزمەتكەرلەرگە; جٷكتٸ ەيەلدەرگە (جٷكتٸلٸكتٸڭ 2-3 تريمەسترٸ); جابىق مەكەمەلەردەگٸ ادامدارعا (بالالار ٷيٸ, ٷي, ينتەرنات); مٷگەدەك ەرەسەكتەر مەن سوزىلمالى اۋرۋلارى بار بالالارعا جەنە 60 جاستان اسقان قارت ادامدارعا جٷرگٸزٸلەدٸ.
«قازاقستاندا جىل سايىن تۇماۋعا قارسى جاپپاي يممۋنداۋ تۇماۋدىڭ ەپيدەمييالىق تارالۋى مەن ٶلٸم مەن اسقىنۋلاردىڭ دەڭگەيٸن تٶمەندەتۋ ماقساتىندا جٷزەگە اسىرىلادى. ۆاكتسيناتسييا پروتسەسٸندە اعزاعا ينفەكتسييالىق اگەنت بٶلشەگٸ ەنگٸزٸلەدٸ. ۆاكتسيناداعى ينفەكتسييالىق اگەنت اۋرۋدى تۋدىرۋى مٷمكٸن ەمەس, بٸراق دەنەنٸ انتيدەنەلەر شىعارۋعا ىنتالاندىرۋى مٷمكٸن», - دەيدٸ قوعامدىق دەنساۋلىق ساقتاۋ باسقارماسىنىڭ مامانى فاتيما سماگۋلوۆا.
