Búgin elimizdiń astanasy Nur-Sultan qalasynda BUU Bas Assambleiasynyń 75-shi májilisi aiasynda Tsifrlyq damý, innovatsiialar jáne aeroǵarysh ónerkásibi ministrligi «Zerde» holdingimen birlesip «Turaqty damý jolynda: álemdi tsifrlandyrý» taqyrybynda onlain-sessiia ótkizdi. Kezdesý BUU Bas Assambleiasynyń 75-shi májilisi aiasynda ótti.
Nur-Sultan qalasynda onlain uiymdastyrylǵan halyqaralyq jiynda Qazaqstan, Gvatemala, Úndistan, Nigeriia, Meksika, Argentina jáne Bangladesh siiaqty elderdiń aldyńǵy qatarly startaptary usynyldy. Tsifrly tehnologiialar men derekterdiń barlyq áleýetin ashýǵa kómektesetin startaptar tsifrly damý salasyndaǵy turaqty damý maqsattaryn júzege asyrýǵa sai keledi.
Atalǵan onlain sharada saiasi kóshbasshylar, halyqaralyq sarapshylar, halyqaralyq uiymdardyń ókilderimen birge, BUU Bas hatshysynyń orynbasary Fabritsio Hohshild, GIGA jobasynyń jetekshisi, UNICEF Innovation aǵa keńesshisi Kristofer Fabian, elimizdiń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin tsifrly salany damytýdyń ózekti jáne perspektivaly trendteri boiynsha sóz sóiledi.
«COVID-19 pandemiiasy bizge álemniń ózgergenin jáne tsifrlandyrýǵa bet alǵanyn kórsetti. Sondyqtan pandemiia barysynda alǵan sabaqtarymyzdy, jinaǵan tájiribemizdi eskere otyryp «Tsifrly Qazaqstan» memlekettik baǵdarlamasyna ózgerister engizildi. Ýaqyt talabyna sáikes biz eldiń tsifrly damýynyń bes basym baǵytyn aiqyndadyq. Atap aitqanda, aqparattyq-kommýnikatsiialyq tehnologiialar infraqurylymyn damytý; tsifrly úkimetti damytý; halyqtyń tsifrly saýatyn arttyrý; tsifrly keńistikte qaýipsizdikti jáne quqyqtardy qorǵaýdy qamtamasyz etý; ekonomika salalaryn tsifrlandyrý jáne aýqymdy derekterdi engizý», - dedi QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
Ministrdiń aitýynsha, búgingi tańda elimizde halyqtyń 97 paiyzy internetke qol jetkizgen. Tsifrly saýattylyq deńgeii 82,1 paiyz bolsa, avtomattandyrylǵan memlekettik qyzmetterdiń úlesi 83 paiyzǵa jetken. Aita keteiik, BUU reitinginde Qazaqstan «Elektrondy úkimetti» damytý boiynsha 193 eldiń ishinde 29-oryndy alady.
«Birinshi mynadai máselelerdi sheshýdi usynamyn: birinshiden, memleketaralyq elektrondy qujat ainalymyn retteý qajet. Ekinshiden, avtokólik saýdasyna qatysty másele bar. Kólikter bir elden satyp alynyp, ekinshi elde ereje buzady, al onyń aiyppulyn kimnen alý kerektigin bilmeimiz. Mine, osy eki keisti alǵa tartyp, men árbir elge bastapqyda kem degende, osyndai 10 servisti tańdaýdy usyndym, ony bárimiz birlesip pysyqtap, integratsiialaýymyz kerek, – dedi QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
Esterińizge sala keteiik, búgin BUU Bas Assambleiasynyń 75-shi májilisi aiasynda Tsifrlyq damý, innovatsiialar jáne aeroǵarysh ónerkásibi ministrligi «Zerde» holdingimen birlesip «Turaqty damý jolynda: álemdi tsifrlandyrý» taqyrybynda onlain-sessiia ótkizdi. Kezdesý BUU Bas Assambleiasynyń 75-shi májilisi aiasynda ótti. Nur-Sultan qalasynda onlain uiymdastyrylǵan halyqaralyq jiynda Qazaqstan, Gvatemala, Úndistan, Nigeriia, Meksika, Argentina jáne Bangladesh siiaqty elderdiń aldyńǵy qatarly startaptary usynyldy. Sonymen qatar, búgingi tańda elimizde halyqtyń 97 paiyzy internetke qol jetkizgen. Tsifrly saýattylyq deńgeii 82,1 paiyz bolsa, avtomattandyrylǵan memlekettik qyzmetterdiń úlesi 83 paiyzǵa jetken. Aita keteiik, BUU reitinginde Qazaqstan «Elektrondy úkimetti» damytý boiynsha 193 eldiń ishinde 29-oryndy alady.
