Dárigerler stamotologiialyq klinikalarynyń birinde tisin emdetkennen keiin es-tússiz qalǵan balanyń jaǵdaiyn aityp berdi, dep habarlaidy "Ult aqparat".
Nur-Sultan qalasyndaǵy №2 kópsalaly qalalyq balalar aýrýhanasy direktorynyń orynbasary Aidyn Áshimhanovtyń aitýynsha, qyz bala jansaqtaý bóliminde jasandy tynys alý apparatyna qosylyp, traheotomiialyq tútikten dem alyp jatyr.
«Balanyń jaǵdaiy óte aýyr, turaqty. Nasharlaý belgileri joq. Barlyq qajetti terapiiany tolyq kólemde alyp jatyr. Birneshe ret konsiliým jasaldy, neirohirýrgiia jáne nevrologiia salasyndaǵy úzdik sheteldik klinikalarmen telekópirler ótkizildi. Emdeý taktikasy boiynsha bári kelisilgen. Jaqynda Tatarstannan delegatsiia keldi jáne ondaǵy jetekshi balalar neirohirýrgi keńes berdi», - dedi Aidyn Áshimhanov tilshilerge bergen suhbatynda.
Dárigerler áli kúnge deiin qyzdyń ne sebepti komaǵa túskenin aita almai otyr.
«Bul taqyryp kóp talqylandy, naqty eshteńe aita almaimyn, biraq tis emhanasynda aǵza aýrýdy basatyn dárilerge reaktsiia bergen joq», - dedi aýrýhana direktorynyń orynbasary.
Balaǵa midyń aýyr anoksikalyq zaqymdanýy diagnozy qoiyldy.
«Bala bizge 7 qańtarda jetkizildi. Búgin 29-kún jansaqtaý bóliminde, tynys alý apparattarynda jatyr. Bala komada bolǵandyqtan, apparat arqyly dem beriledi. Biraq temperatýralyq reaktsiiasy joq, barlyq kórsetkishter turaqty jáne zerthanalyq taldaýdan aitarlyqtai aýytqý tabylmady», - deidi dáriger.
Onyń aitýynsha, ári qarai emdeý sheteldik klinikalar maquldaǵan kólemde jalǵasady.
Sonymen birge Aidyn Áshimhanov balany shetelde emdeý týraly suraqqa jaýap berdi.
«Basqa elge tasymaldaý týraly aitar bolsaq, bul - óte qiyn másele. Bul tasymaldaý balanyń jaǵdaiyn nasharlatýy múmkin. Óitkeni bala tynys alý apparatynda bolǵandyqtan, kez-kelgen qozǵalys ómirlik mańyzdy fýnktsiialarǵa yqpal etýi múmkin», - dedi Aidyn Áshimhanov.
Eske sala ketsek, 7 qańtarda elordanyń stamotologiialyq klinikalarynyń birinde 2 jasar qyz tisin emdetip, komaǵa tústi. Jaǵdaidy QR Densaýlyq saqtaý ministri Eljan Birtanov óz baqylaýyna aldy.
