Elordada taǵy eki nysan karantinge jabyldy, dep habarlaidy "Ult aqparat" qala ákimdigine silteme jasap.
Elordada «Meiirim» meditsinalyq ortalyǵy men Kerei, Jánibek handar kóshesinde ornalasqan Ulttyq ǵylymi onkologiialyq ortalyǵy karantinge jabyldy. Bailanysta bolǵan tulǵalar karantinge jiberildi, onyń ishinde meditsina qyzmetkerleri de bar. Dezinfektsiia júrgizilip jatyr. Emdelýshilerge barýǵa qatań tyiym salynady.
Esterińizge sala keteiik, qalalyq shtab barlyq áýejolaýshylardy tekserý týraly sheshim qabyldady. Nur-Sultan qalasynyń meditsina qyzmetkerleri 22 naýryzdan bastap 20-dan astam reisti qabyldady, bul shamamen 1750 adam. 1,5 myń adam saraptama nátijesin aldy. Úsh jolaýshynyń saraptama qorytyndysy oń nátije kórsetti. Barlyq jolaýshylardy tekserý infektsiiany juqtyrǵan adamdardyń qalaǵa shyǵýyna jol bermeýge jáne olarǵa ýaqytyly meditsinalyq kómek kórsetýge múmkindik berip otyr.
Qazaqstanda 28 naýryzdaǵy derekter boiynsha koronavirýstan saýyǵyp ketkenderdiń sany 18 adamdy quraidy, onyń 13-i — Nur-Sultan qalasynda.
Aita keteiik, buǵan deiin qalada №2 kópsalaly oblystyq aýrýhana jáne №1 avtobýs parki karantinge jabylǵan bolatyn.
