Elordada «UMC» korporativtik qorynyń Respýblikalyq diagnostikalyq ortalyǵynda koronavirýs infektsiiasyn anyqtaityn jańa PTR zerthana ashyldy, dep habarlaidy "Ult aqparat" qordyń baspasóz qyzmetine silteme jasap.
«Mundai zerthananyń ashylýy COVID 19 indetimen kúreste mańyzdy qadam sanalady. Óitkeni, PTR-testileý arqyly adam aǵzasynda virýstyń bar-joǵy anyqtalady. Jáne ol diagnozdy zerthanalyq rastaý úshin qajet. Biomaterial retinde jutqynshaq pen muryn qýysynyń qosylǵan jerinen alynatyn juǵyndy paidalanylady. Saraptama quny 14 myń teńge, materialdy alý 1 myń teńge», delingen habarlamada.
PTR testileý úshin «UMC» korporativtik qorynyń umc.org.kz saitynda saýalnama toltyrý kerek. Sosyn Bailanys ortalyǵynyń mamandary habarlasyp, patsientti zertteýge jazady.
Respýblikalyq diagnostikalyq ortalyǵy ǵimaratynda barlyq sanitarlyq-epidemiologiialyq normalar saqtalǵan. Ózge naýqastardyń qaýipsizdigin qamtamasyz etý úshin zerthanaǵa bólek esikten kiredi. Sondai-aq, meditsina qyzmetkerleri úshin barlyq tiisti qorǵanys sharalary qarastyrylǵan.
