ەلوردادا «UMC» كورپوراتيۆتٸك قورىنىڭ رەسپۋبليكالىق دياگنوستيكالىق ورتالىعىندا كوروناۆيرۋس ينفەكتسيياسىن انىقتايتىن جاڭا پتر زەرتحانا اشىلدى, دەپ حابارلايدى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ.
«مۇنداي زەرتحانانىڭ اشىلۋى COVID 19 ٸندەتٸمەن كٷرەستە ماڭىزدى قادام سانالادى. ٶيتكەنٸ, پتر-تەستٸلەۋ ارقىلى ادام اعزاسىندا ۆيرۋستىڭ بار-جوعى انىقتالادى. جەنە ول دياگنوزدى زەرتحانالىق راستاۋ ٷشٸن قاجەت. بيوماتەريال رەتٸندە جۇتقىنشاق پەن مۇرىن قۋىسىنىڭ قوسىلعان جەرٸنەن الىناتىن جۇعىندى پايدالانىلادى. ساراپتاما قۇنى 14 مىڭ تەڭگە, ماتەريالدى الۋ 1 مىڭ تەڭگە», دەلٸنگەن حابارلامادا.
پتر تەستٸلەۋ ٷشٸن «UMC» كورپوراتيۆتٸك قورىنىڭ umc.org.kz سايتىندا ساۋالناما تولتىرۋ كەرەك. سوسىن بايلانىس ورتالىعىنىڭ ماماندارى حابارلاسىپ, پاتسيەنتتٸ زەرتتەۋگە جازادى.
رەسپۋبليكالىق دياگنوستيكالىق ورتالىعى عيماراتىندا بارلىق سانيتارلىق-ەپيدەميولوگييالىق نورمالار ساقتالعان. ٶزگە ناۋقاستاردىڭ قاۋٸپسٸزدٸگٸن قامتاماسىز ەتۋ ٷشٸن زەرتحاناعا بٶلەك ەسٸكتەن كٸرەدٸ. سونداي-اق, مەديتسينا قىزمەتكەرلەرٸ ٷشٸن بارلىق تيٸستٸ قورعانىس شارالارى قاراستىرىلعان.
