Nur-Sultan qalasynda aiyna 5 mln maska shyǵaratyn kásiporyn jumys istei bastady, dep habarlaidy "Ult aqparat".
«Pandemiia bastalǵannan beri qalalyq birqatar kásiporyn meditsinalyq maskalar tigýge kiristi. Óz tarapymyzdan barlyq qajetti kómekti kórsetip kelemiz. Búgin maska tigýge kirisken taǵy bir kásiporynnyń jumysymen tanystym. Kásiporyn aiyna 2 mln maska shyǵaratyn bolady. Tolyq óndiristik qýaty – aiyna 5 mln maska», - dep jazdy elorda ákimi Altai Kólginov Instagram-da.
Sondai-aq A.Kólginov Investitsiialyq keńeste qoldaý tapqan qubyr shyǵaratyn zaýyttyń qurylys barysymen de tanysyp qaitty.
«Ishki naryqta osy materialdarǵa úlken suranys bar. Olar turǵyn úi-kommýnaldyq sharýashylyǵyn jańǵyrtý, jańa nysandar salý, jerasty injenerlik jelilerin aýystyrý jáne taǵy basqa jaǵdailarda qajet. Sondai-aq Buǵan deiin investitsiialyq keńeste dári-dármekterdi taratý ortalyǵynyń (qoimasynyń), kóterme-taratý ortalyqtarynyń qurylysy da qoldaý tapqan bolatyn. Pandemiia mundai jobalardyń qajet ekenin kórsetti. Ár investormen jumys isteimiz. Investitsiialyq keńeste qoldaý tapqan jobalardyń ishinde infraqurylymdyq, óndiristik, áleýmettik, logistikalyq jáne basqa da jobalar bar. Qurylys jeke qarajat esebinen júzege asyrylady», - dep jazdy Altai Kólginov.
