Foto: primeminister.kz
Úkimettiń kezekti otyrysynda sanitarlyq-epidemiologiialyq ahýal qaraldy. Bul taqyrypta Densaýlyq saqtaý ministri Ajar Ǵiniiat baiandama jasady, dep habarlaidy primeminister.kz saity.
Álemde koronavirýstyq infektsiiamen syrqattanýshylyqtyń ósýi jalǵasýda jáne zerttelgen úlgilerdiń 95%-yn quraityn «Omikron» shtamy basym nusqa bolyp qalyp otyr.
«Resmi statistikaǵa sáikes elimizde pandemiia bastalǵaly beri koronavirýstyq infektsiiamen 1 mln 400 myńnan astam adam aýyryp, indettiń 5 tolqyny boldy. 20 maýsymnan bastap respýblika boiynsha KVI syrqattanýshylyq arta bastady. Sońǵy eki aptada aýyrǵan adamdardyń sany 3,2 ese ósti. Ótken táýlikte KVI-diń oń nátijesimen 2021 jaǵdai, KVI-diń teris nátijesimen 1 jaǵdai tirkeldi, ólim-jitim tirkelgen joq», — dedi Ajar Ǵiniiat.
Epidemiologiialyq jaǵdaidy baǵalaý úshin Omikron nusqasynyń sipattaryn, densaýlyq saqtaý júiesine júktemeni jáne salanyń daiyndyǵyn eskere otyryp, Densaýlyq saqtaý ministrligi 15 shildeden bastap syrqattanýshylyq kórsetkishin 100 myń turǵynǵa shaqqandaǵy aýrýhanaǵa jatqyzý kórsetkishine aýystyryp, aǵymdaǵy matritsany ózektendirdi.
Vedomstvo basshysynyń aitýynsha, baǵalaý matritsasyna sáikes Nur-Sultan qalasy sary aimaqta, Qazaqstan Respýblikasy jáne qalǵan óńirler jasyl aimaqta tur.
Qazaqstan Respýblikasynda koronavirýstyq infektsiiamen syrqattanýshylyqtyń ósýi maýsym aiynyń ortasynan bastap tirkelip otyr. Aýrýdyń eń kóp ósýi elimizdiń 6 óńirinde baiqalady, onda sońǵy eki aptada syrqattanýshylyq 5 ese jáne odan joǵary ósti, onyń ishinde Aqtóbe oblysynda – 8,2 ese, Batys Qazaqstan oblysynda – 6,7 ese, Qaraǵandy oblysynda – 6,4 ese, Pavlodar oblysynda – 6,3 ese, Aqmola oblysynda – 6,1 ese, Qostanai oblysynda – 5 ese kóterilip otyr.
Ministrdiń aitýynsha, syrqattanýshylyq 3-ten 5 esege deiin ósken óńirlerdiń ekinshi tobyna respýblikanyń 5 óńiri endi.
Syrqattanýshylyqtyń 3 esege deiin ósýi elimizdiń 6 óńirinde baiqalady. Sońǵy aptada Almaty qalasynda KVI boiynsha epidemiologiialyq ahýal turaqtandy.
«Búkil álemdegidei Omikron VA.5 shtamynyń nusqasy týdyrǵan COVID-19-dyń kezekti tolqyny osyjylǵy shildede elimizde júrgizilgen genetikalyq zertteý nátijeleri boiynsha zerttelgen úlgilerdiń 70%-da anyqtaldy. Bul nusqa joǵary juqpalyǵymen sipattalady jáne Delta nusqasymen salystyrǵanda aýrý áldeqaida jeńil ótedi. Bul naýqastardyń 94%-dan astam ambýlatoriialyq jaǵdaida emdeletindigimen de rastalyp otyr», — dedi Ajar Ǵiniiat.
Statsionarlyq em qabyldaityn patsientterdi taldaý kezinde 36%-y 18 jasqa deiingi balalar, 64%-y eresekter ekeni, al aýyrǵan barlyq adamdardyń 52%-nda qosalqy sozylmaly aýrýlary bar ekeni anyqtaldy.
«Ótken jylmen salystyrǵanda KVI kúdikti jedel meditsinalyq kómekke shaqyrýlar sany 3,7 ese azaiǵanyn atap aitqym keledi, bul kórsetkish te aýrýdyń jeńil túrde ótip jatqanyn aiqyndaidy», — dedi Densaýlyq saqtaý ministri.
Búgingi kúni infektsiialyq tósek-orynmen qamtý 30%-dy nemese naýqastar sany - 1500, reanimatsiialyq tósek-orynmen qamtý 7%-dy nemese naýqastar sany 47-ni quraidy.
Sonymen qatar, DSM basshysy tósek-oryn qorynyń qozǵalysyn baqylaý onlain rejimde júrgiziletinin atap ótti.
«Tósek-orynmen qamtylýdy qadaǵalaý úshin interaktivti karta onlain rejimde óńirler boiynsha meditsinalyq uiymdar deńgeiine deiin ahýaldy baǵalaýǵa jáne jedel den qoiý sharalaryn qabyldaýǵa múmkindik beredi. Bul ákimdikterge, densaýlyq saqtaý basqarmalaryna qoljetimdi jáne kúndelikti sheshim qabyldaýǵa yńǵaily», — dedi A. Ǵiniiat.
Sondai-aq Densaýlyq saqtaý ministrligi koronavirýs infektsiiasynyń taralýyna jol bermeý jáne turaqty negizde ýaqytyly epidemiiaǵa qarsy sharalar qabyldaý maqsatynda óńirlermen ahýaldy baǵalaý boiynsha shtabtar júrgizip, jaǵdaidy turaqtandyrýǵa baǵyttalǵan sharalardy qabyldap jatyr.
Sonymen qatar halyqty aqparattandyrý maqsatynda brifingter, buqaralyq aqparat quraldarynda, onyń ishinde meditsina salasyndaǵy jetekshi sarapshylardyń qatysýymen kezdesýler de ótkiziledi.
«KVI meditsinalyq uiymdardyń daiyndyǵy turaqty negizde qamtamasyz etilýde, búgingi kúni 189 meditsinalyq uiymda 5000 astam kovidtik tósek-oryn, 620 reanimatsiialyq tósek-oryn, rezervte 20 myńnan astam tósek-oryn bar. AMSK deńgeiinde 5 700 uiym jáne 2 400-ge jýyq kóshpeli mobildi brigada, onyń 1000-nan astamy aýylda meditsinalyq kómek kórsetip jatyr. Rezervte 1 610 mobildi brigada bar», — dep atap ótti Densaýlyq saqtaý ministri.
Vedomstvo basshysynyń habarlaýynsha, aýyrǵan adamdardyń 80%-y egilmegen adamdar nemese 6 ai buryn egilgen adamdar ekenin eskersek, ýaqytyly KVI-ǵa qarsy revaktsinatsiiamen qamtý qajet ekendigin kórsetedi.
Qorytyndylai kele, Ajar Ǵiniiat respýblikada revaktsinatsiia odan ári jalǵasyp jatqanyn aitty. Búgingi kúni revaktsinatsiiany 5 mln astam adam aldy, bul tiisti kontingenttiń 68%-yn quraidy.
Koronavirýstyq infektsiianyń ósýine bailanysty, epidemiologiialyq jaǵdaidy baǵalaý matritsasynyń ózektenýin eskere otyryp, Densaýlyq saqtaý ministrligi aimaqtar boiynsha shekteý sharalaryn qaita qarady jáne bul sharalardy Vedomstvoaralyq komissiia maquldady. Máselen, jasyl jáne sary aimaqtarda shekteý sharalary biznes obektileriniń qyzmetin shektemei, infektsiia kózin oqshaýlaýǵa baǵyttalǵan. Iaǵni obektilerde sanitarlyq-dezinfektsiialyq tártipti kúsheitý, qoǵamdyq oryndarda, qoǵamdyq kólikte meditsinalyq maska taǵý usynylady.
Qyzyl aimaqta shekteý sharalary densaýlyq saqtaý júiesiniń júktemesine bailanysty eki kezeńmen qabyldanady.
Birinshi kezeńde – R>1 bolǵanda jáne 100 myń turǵynǵa shaqqanda aýrýhanaǵa jatqyzý kórsetkishi 25,0-den 50,0-ge deiin bolǵan kezde:
- biznes shekteýsiz jumys isteidi;
- jabyq úi-jailarda, kóliktiń barlyq túrlerinde mindetti túrde maskalar paidalanylady.
Ekinshi kezeńde R-ǵa qaramastan, 100 myń turǵynǵa shaqqanda aýrýhanaǵa jatqyzý kórsetkishi 50,0-den astam bolǵan kezde:
- obektilerde «Ashyq» qosymshasy mindetti túrde paidalanylady;
- kópshilik is-sharalardy ótkizýge bailanysty biznes obektileriniń tolymdylyǵy 50%-ǵa deiin shekteledi .
- bilim berý uiymdaryna qosymsha shekteýler engiziledi;
- uiymdar qyzmetkerleriniń 30%-y qashyqtyqtan jumys isteýge aýysady;
Qyzyl aimaqqa kóshý jáne shekteý sharalaryn engizý biznestiń jáne halyqtyń profilaktikalyq sharalardy ustaný jaǵdaiyna bailanysty bolady.
Ministrdiń aitýynsha, sary aimaqtaǵy Nur-Sultan qalasynda úi-jailarda kóp adam qatysatyn kópshilik is-sharalar ótkiziledi jáne meditsinalyq maska taǵý, áleýmettik qashyqtyq talaptary saqtalmaidy, bul elordada infektsiianyń odan ári taralýyna alyp kelip otyr.
«Epidemiologiialyq ahýaldy turaqtandyrý jáne biznestiń shekteýsiz jumys isteýin qamtamasyz etý úshin biznes obektilerde sanitariialyq-dezinfektsiia rejimin saqtaý jáne halyqtyń qyzmetter alý kezindegi qaýipsizdigin saqtaý qajettiligi týraly taǵy da qaita eske salamyz», — dep túiindedi Ajar Ǵiniiat.
