Kún jylyndy dep sýyq sýǵa túsýge bolmaidy, sý salqyn bolǵandyqtan dene tartylyp, bulshyqetke, júrekke ziian tiiýi múmkin. Bul týraly Nur-Sultan qalasy Tótenshe jaǵdailar departamentiniń basshysy Baýyrjan Syzdyqov aitty, dep habarlaidy "Ult aqparat".
«Bizde sýǵa túsý maýsymy 1 maýsymda bastalyp, 1 qyrkúiekte aiaqtalady. Eń aldymen nazarlaryńyzdy ózderińizdiń jáne balalaryńyzdyń qaýipsizdigine aýdarǵymyz keledi. Qazirgi kezde tún sýyq, sondyqtan sý da salqyn - 19 gradýstan tómen. Kún jylyndy dep sýyq sýǵa túsýge bolmaidy, sý salqyn bolǵandyqtan dene tartylyp, bulshyqetke, júrekke ziian tiiýi múmkin. Balalaryńyzdyń qaýipsizdigine basa nazar aýdaryńyzdar», - deidi Baýyrjan Syzdyqov qalalyq ákimdiktiń baspasóz ortalyǵynda ótken brifingte.
Onyń aitýynsha, sýǵa túsýge bolatyn 23 jerdiń 3-eýine ǵana ruqsat etilgen. Qalǵan 20 ornynyń 7-eýi pilottyq joba retinde tańdalǵan.
«Ákimdik osy jerler boiynsha qujat daiyndap jatyr, kelesi jyly bul jerlerge sýǵa túsýge bolady. Sondai-aq, Esil ózenindetaǵy eki oryn daiyndalady dep josparlanýda. Nátijesinde elordada sýǵa túsýge bolatyn oryndar 4 000 adamǵa syiatyndai ulǵaitylady», - deidi ol.
