كٷن جىلىندى دەپ سۋىق سۋعا تٷسۋگە بولمايدى, سۋ سالقىن بولعاندىقتان دەنە تارتىلىپ, بۇلشىقەتكە, جٷرەككە زييان تييۋٸ مٷمكٸن. بۇل تۋرالى نۇر-سۇلتان قالاسى تٶتەنشە جاعدايلار دەپارتامەنتٸنٸڭ باسشىسى باۋىرجان سىزدىقوۆ ايتتى, دەپ حابارلايدى "ۇلت اقپارات".
«بٸزدە سۋعا تٷسۋ ماۋسىمى 1 ماۋسىمدا باستالىپ, 1 قىركٷيەكتە اياقتالادى. ەڭ الدىمەن نازارلارىڭىزدى ٶزدەرٸڭٸزدٸڭ جەنە بالالارىڭىزدىڭ قاۋٸپسٸزدٸگٸنە اۋدارعىمىز كەلەدٸ. قازٸرگٸ كەزدە تٷن سۋىق, سوندىقتان سۋ دا سالقىن - 19 گرادۋستان تٶمەن. كٷن جىلىندى دەپ سۋىق سۋعا تٷسۋگە بولمايدى, سۋ سالقىن بولعاندىقتان دەنە تارتىلىپ, بۇلشىقەتكە, جٷرەككە زييان تييۋٸ مٷمكٸن. بالالارىڭىزدىڭ قاۋٸپسٸزدٸگٸنە باسا نازار اۋدارىڭىزدار», - دەيدٸ باۋىرجان سىزدىقوۆ قالالىق ەكٸمدٸكتٸڭ باسپاسٶز ورتالىعىندا ٶتكەن بريفينگتە.
ونىڭ ايتۋىنشا, سۋعا تٷسۋگە بولاتىن 23 جەردٸڭ 3-ەۋٸنە عانا رۇقسات ەتٸلگەن. قالعان 20 ورنىنىڭ 7-ەۋٸ پيلوتتىق جوبا رەتٸندە تاڭدالعان.
«ەكٸمدٸك وسى جەرلەر بويىنشا قۇجات دايىنداپ جاتىر, كەلەسٸ جىلى بۇل جەرلەرگە سۋعا تٷسۋگە بولادى. سونداي-اق, ەسٸل ٶزەنٸندەتاعى ەكٸ ورىن دايىندالادى دەپ جوسپارلانۋدا. نەتيجەسٸندە ەلوردادا سۋعا تٷسۋگە بولاتىن ورىندار 4 000 ادامعا سىياتىنداي ۇلعايتىلادى», - دەيدٸ ول.
