Nur-Sultan qalasynda halyqaralyq «Úmitter legi» (Lenta nadejda) atty sýret óneri kórmesi ashyldy, dep habarlaidy QazAqparat.
Elordadaǵy Beibitshilik jáne kelisim saraiynda ashylǵan kórmege Qazaqstan, Izrail jáne Italiia sýretshileriniń 11 avtorlyq kartinasy qoiyldy.
Aitýly sharany uiymdastyrýdaǵy basty maqsat – áielder arasynda etek jaiǵan sút bezi qaterli isigi aýrýyna qoǵamnyń nazaryn aýdarý jáne onymen birlesip kúresý.
«Búgingi kórme eki maqsatty kózdeidi. Alǵashqysy genderlik saiasat taqyrybyna arnalsa, ekinshiden sút bezi qaterli isigi aýrýyna ushyraǵan názik jandardy qoldaý. Bul ideiany birqatar otandyq jáne sheteldik sýretshi qoldap otyr. Munda qoiylǵan ár týyndynyń ózindik tarihy men ereksheligi bar. Al jarny keskindeme, portret. Iaǵni barlyq jumysta da áieldiń keskini sýrettelgen. Kórmege kelýshiler osynda qoiylǵan týyndylardy satyp alý múmkindikteri bar», - dedi «KULANSHI» zamanaýi óner ortalyǵynyń direktory, kórmeni uiymdastyrýshy Leila Mahat.
«Rýhani jańǵyrý» baǵdarlamasy aiasynda júzege asyrylǵan kórmege otandyq jáne sheteldik 6 sýretshiniń avtorlyq eńbekteri qoiyldy jáne ol 20 naýryzǵa deiin jalǵasady.
