نۇر-سۇلتان قالاسىندا حالىقارالىق «ٷمٸتتەر لەگٸ» (لەنتا نادەجدا) اتتى سۋرەت ٶنەرٸ كٶرمەسٸ اشىلدى, دەپ حابارلايدى قازاقپارات.
ەلورداداعى بەيبٸتشٸلٸك جەنە كەلٸسٸم سارايىندا اشىلعان كٶرمەگە قازاقستان, يزرايل جەنە يتالييا سۋرەتشٸلەرٸنٸڭ 11 اۆتورلىق كارتيناسى قويىلدى.
ايتۋلى شارانى ۇيىمداستىرۋداعى باستى ماقسات – ەيەلدەر اراسىندا ەتەك جايعان سٷت بەزٸ قاتەرلٸ ٸسٸگٸ اۋرۋىنا قوعامنىڭ نازارىن اۋدارۋ جەنە ونىمەن بٸرلەسٸپ كٷرەسۋ.
«بٷگٸنگٸ كٶرمە ەكٸ ماقساتتى كٶزدەيدٸ. العاشقىسى گەندەرلٸك ساياسات تاقىرىبىنا ارنالسا, ەكٸنشٸدەن سٷت بەزٸ قاتەرلٸ ٸسٸگٸ اۋرۋىنا ۇشىراعان نەزٸك جانداردى قولداۋ. بۇل يدەيانى بٸرقاتار وتاندىق جەنە شەتەلدٸك سۋرەتشٸ قولداپ وتىر. مۇندا قويىلعان ەر تۋىندىنىڭ ٶزٸندٸك تاريحى مەن ەرەكشەلٸگٸ بار. ال جارنى كەسكٸندەمە, پورترەت. ياعني بارلىق جۇمىستا دا ەيەلدٸڭ كەسكٸنٸ سۋرەتتەلگەن. كٶرمەگە كەلۋشٸلەر وسىندا قويىلعان تۋىندىلاردى ساتىپ الۋ مٷمكٸندٸكتەرٸ بار», - دەدٸ «KULANSHI» زاماناۋي ٶنەر ورتالىعىنىڭ ديرەكتورى, كٶرمەنٸ ۇيىمداستىرۋشى لەيلا ماحات.
«رۋحاني جاڭعىرۋ» باعدارلاماسى اياسىندا جٷزەگە اسىرىلعان كٶرمەگە وتاندىق جەنە شەتەلدٸك 6 سۋرەتشٸنٸڭ اۆتورلىق ەڭبەكتەرٸ قويىلدى جەنە ول 20 ناۋرىزعا دەيٸن جالعاسادى.
