Elordada sheteldik taksi operatorlarynyń qyzmetin retteitin ereje engiziledi. Bul týraly Nur-Sultan qalasy máslihatynyń biýdjet, ekonomika, ónerkásip jáne kásipkerlik máseleleri jónindegi turaqty komissiiasynyń otyrysynda aityldy, dep habarlaidy QazAqparat.
Shara barysynda qalalyq máslihat hatshysy Erlan Kanalimov qalada taksi qyzmetin usynýshy sheteldik operatorlardyń máselesin kóterdi.
Tiisti basqarma ókilderi taksi qyzmet kórsetý salasynda birqatar problemalar bar ekenin atap ótti.
«Qalada taksige qyzmet kórsetýde birqatar problemalar bar. Naqtyraq aitsaq, basqa elderdiń operatorlaryna bailanysty másele bar. Aitalyq, Didi operatory naryqqa kirdi. Iandeks te bar. Solardyń taksi qyzmetin usynýyn retteitin belgili bir erejelerdi engizý máselesi pysyqtalyp jatyr. Biz óz usynystarymyzdy engizemiz» - dedi ákimdik ókilderi.
