Elordada Sailaýdy beipartiialyq baiqaý ortalyǵy ashyldy, dep habarlaidy QazAqparat.
«Búgin Sailaýdy beipartiialyq baiqaý ortalyǵy ashylǵandyǵy týraly jariialamaqpyz. Bizdiń ortalyqqa alǵashqy baiqaýshylar kelip jatyr. Barsha álemde sailaý naýqany erekshe mańyzǵa ie. Sailaý – ol daýys berýshiler tarapynan sailanyp, konstitýtsiialyq quqyqty oryndaý. Bul óz kezeginde kez kelgen eldegi árbir azamattyq quqyǵy. Qoǵamdyq uiymdar únemi sailaý protsesin baiqaý is-sharalaryna qatysýǵa tyrysady», - dedi «Qazaqstannyń Azamattyq aliansynyń prezidenti Baný Nurǵazieva elordada ótken brifingide.
Osy oraida ol ortalyqtyń mindetteri týraly da aitty.
«Partiialar atynan baiqaýshylar, sondai-aq ýchaskelik komissiia músheleri bar. Al qoǵamdyq uiymdar atynan baratyn baiqaýshylardyń basty maqsaty – sailaýdyń qai deńgeide ótkenin qaraý. Olar tikelei qatysýshy emes, iaǵni básekelestikke túspeidi. Olar daýys berý naýqanyn baiqaýǵa keledi. Osy oraida zań buzýshylyqtarǵa jol berilmeýin, halyqaralyq standarttar men Konstitýtsiiaǵa, zańnamaǵa sailaý protsesiniń sáikes kelýi jaǵdaiyn qaraidy. Osy talaptar qatań oryndalýy kerek», - dedi B. Nurǵazieva.
Sondai-aq Qazaqstannyń Azamattyq aliansynyń prezidenti álemniń 90-ǵa jýyq elinen kelgen ulttyq sailaý baiqaýshylarynyń jahandyq jelisine 245 múshe uiymdar qol qoiǵan, qoǵamdyq uiymdardyń partiialyq emes baqylaýdyń jáne sailaýdy baqylaýdyń jahandyq qaǵidalary deklaratsiiasyna adaldyǵy týraly jetkizdi.
Onyń aitýynsha, «Qazaqstannyń azamattyq aliansy», úkimettik emes uiymdardyń iri birlestigi retinde, ár túrli ÚEU-dyń kúsh-jigerin shoǵyrlandyrýǵa sheshim qabyldap, barlyq partiialyq emes baqylaýshylarmen yntymaqtastyqqa daiyn bolatyn ortalyq qurdy.
Bul ortalyq sailaý ýchaskelerin barynsha qamtý úshin álemdik standarttarǵa sai baqylaýshylardy daiyndaidy.
Al Qazaqstan Respýblikasy kásipodaqtar federatsiiasy tóraǵasynyń orynbasary Nurlan Óteshev Qazaqstan kásipodaqtary federatsiiasy baiqaýshylarynyń respýblikalyq shtabynyń jumysy týraly aitty.
«Biz buǵan deiin Kásipodaqtar federatsiiasy baiqaýshylarynyń respýblikalyq shtabynyń ekinshi otyrysyn ótkizdik, baqylaýshylar sanyn aimaqtar boiynsha naqtylaý, treningter ótkizý, baqylaýshylarymyzǵa materialdar ázirleý siiaqty máselelerdi talqyladyq. KKF Respýblikalyq shtabynyń birinshi otyrysynan bastap shamamen 6 myń baqylaýshynyń 2,5 myńǵa jýyǵy oqytýdan ótti», - dep málim etti ol.
Qoǵam qairatkeri Aigúl Soloveva bolsa, táýelsiz baqylaýshylar Hartiiasynyń jobasy jáne josparlary týraly habardar etti.
«Hartiia EQYU qaǵidattaryna jáne Demokratiialyq sailaý standarttary týraly konventsiiaǵa negizdelgen. Jarǵyǵa kez kelgen qoǵamdyq birlestikter men azamattyq belsendiler qosyla alady», - dep málim etti ol.
Shaqyrylǵan sarapshylar - «Shyǵys-Batys» Halyqaralyq geosaiasi boljaý ortalyǵynyń prezidenti, saiasattaný ǵylymdarynyń doktory, professor Qarlyǵash Nuǵmanova, Diplomatiia institýtynyń professory, t.ǵ.k. Taisiia Marmontova bul bastamalardy taldap, baǵalady.
Onlain-formatta elimizdiń bedeldi saiasattanýshylarynyń biri, QR Prezidenti janyndaǵy Qoǵamdyq senim ulttyq keńesiniń múshesi, «Alternativa» zamanaýi zertteýler ortalyǵy «ÚEU direktory Andrei Chebotarev óz pikirin bildirdi.
«Men Ortalyqtyń qurylýyn jáne osyndai bastamany quptaimyn. Men sailaýdy partiialyq emes baqylaý jónindegi halyqaralyq qujattardy, BUU-nyń qoldaýymen qabyldanǵan sailaýdy beipartiialyq baiqaýshylardyń qaǵidattary men etikalyq kodeksin oqydym. Sondyqtan sizdiń Ortalyǵyńyz táýelsiz baqylaý formattarynyń biri bolyp qana qoimai, úlgi tutar halyqaralyq bastamany qolǵa aldyńyz», - dedi Andrei Chebotarev.
Aita ketsek, brifingke Zoom platformasy arqyly Ortalyqtyń aimaqtyq baqylaýshylary, túrli ÚEU ókilderi jáne BAQ ókilderi qatysty.
