Karantin kúshinde qalǵan elordada turǵyndar saiabaqqa shyǵyp, qydyryp, serýendei ala ma? Bul suraqqa Nur-Sultan qalasy ákiminiń orynbasary Baqtiiar Máken jaýap berdi, dep habarlaidy QazAqparat.
«QR Prezidentiniń tótenshe jaǵdai rejimin qamtamasyz etý jónindegi memlekettik komissiianyń 20 sáýirinde ótken tapsyrmasyn júzege asyrý aiasynda 250 myńǵa jýyq adam jumysyn qaita bastap ketti. Memlekettik bas sanitarlyq dárigerdiń qaýlysyna sáikes azamattar turǵan jerinne mindetti túrde maska taǵyp, áleýmettik qashyqtyqty saqtai otyryp, syrtqa shyǵa alady», - dedi Baqtiiar Máken OKQ-da ótken baspasóz máslihatynda.
Qala ákiminiń orynbasarynyń aitýynsha qazirgi tańda shahardaǵy saiabaqtardyń bári de ashyq.
«Parkterge, aýmaqtarǵa, baqtarǵa barýǵa bolady. Ózen jaǵasymen de qydyrýǵa ruqsat. Biraq úsh adamnan artyq júrmeý kerek. Maska taǵyp, áleýmettik qashyqtyqty saqtaǵan abzal. Sanitarlyq normalardy saqtai otyryp, saiabaqta qydyrýǵa bolady», - dedi Baqtiiar Máken.
