Elordada pnevmoniia jáne jedel respiratorly virýstyq infektsiia (JRVI) diagnozy bar patsientter 2 meditsinalyq mekemege ǵana jetkiziledi, dep habarlaidy "Ult aqparat".
Olar – Ortalyq jol aýrýhanasy jáne №2 qalalyq emhana.
Á.Moldaǵulova kóshesinde ornalasqan Ortalyq jol aýrýhanasynyń terapiia korpýsyna pnevmoniiasy bar patsientter ǵana jetkiziletin bolady. Blokta oqshaýlanǵan qabyldaý-diagnostikalyq bólimshe uiymdastyrylǵan. Patsientter koronavirýsqa da tekseriledi.
Al JRVI belgileri bar naýqastardy tek №2 qalalyq emhana (Jeltoqsan kóshesi, 36) qabyldaidy. Emhanada emdelýshilerge koronavirýs infektsiiasyna zerthanalyq-diagnostikalyq zertteýler júrgiziledi.
Sondai-aq, úsh kópbeiindi aýrýhanalardyń akýsherlik bloktarynda barlyq qajetti meditsinalyq jabdyqtarmen jabdyqtalǵan, júkti áielderdi qabyldaý úshin jeke kiretin esigi bar perzenthanalar uiymdastyryldy. Osy sharalardyń barlyǵy ýaqytyly meditsinalyq kómek kórsetýge jáne infektsiianyń taralýyn azaitýǵa baǵyttalǵan.
