Elordada «Omikron» jáne «Delta» shtamynyń taralýy ústem ekeni aityldy. Bul týraly Nur-Sultan qalasynyń bas memlekettik sanitar dárigeri Sarqyt Beisenova málim etti, dep habarlaidy QazAqparat.
«Koronavirýs infektsiiasy taralýynyń tómendeýi men karantin talaptarynyń jeńildeýine qaramastan, onyń mýtatsiialanýy toqtaǵan emes. Sońǵy ret júrgizilgen sekvenirleý nátijesi boiynsha biyl qańtar aiynan bastap elordada omikron-shtamynyń taralýy ústem. Sonymen qatar qalada «Delta» shtamynyń taralýy 29,4% -ǵa jetti. Atalǵan shtamm túrlerin juqtyrýdyń sońy kóp jaǵdaida ólimge alyp keledi», - S. Beisenova elorda ákimdiginde onlain ótken baspasóz máslihatynda.
Osy oraida bas sanitar dáriger karantin talaptaryn saqtaý jáne ekpe alý kerektigin eske saldy.
«Sońǵy aptada syrqattanýshylyq deńgeii aldyńǵy aptamen salystyrǵanda 2,4 ese, iaǵni 100 myń turǵynǵa shaqqanda 84,6-dan 33,9-ǵa deiin tómendeýi tirkeldi. Ótken táýlikte 43 jaǵdai tirkeldi. Koronavirýstyq infektsiianyń damý qarqyny boiynsha RT reprodýktivti sany 0,52 quraidy», - deidi ol.
Buǵan deiin 500 myńǵa jýyq astanalyqtyń indetke qarsy vaktsina alǵanyn habarlaǵan edik.
