Elorda politsiiasy jedel-tergeý sharalary barysynda alaiaqtyq jasady degen kúdikke ilingen áieldi anyqtady, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Tártip saqshylarynyń málimetinshe, qazirgi kezde elordanyń eki turǵynyn aldap soqqan Qaraǵandy oblysynyń týmasy buǵan deiin osyǵan uqsas qylmystardy jasaǵany úshin Almaty qalasynda qamaýda bolǵan.
Elordada buryn «alaiaqtyq» baby boiynsha sottalǵan 32 jastaǵy kúdikti áiel jábirlenýshilerdi aldap, 900 myń teńge kóleminde aqshalai somany qaltasyna basqan. Jábirlenýshilerdiń aitýynsha, alaiaq áiel olardan bul somany «Damý» qorynan nesie rásimdeýge kómekteskeni úshin alǵan.
Atalǵan tulǵanyń zańǵa qaishy áreketterinen zardap shekken nemese ol týraly qandai da bir málimet biletin azamattar Nur-Sultan qalasynyń Beibitshilik, 19 mekenjaiynda ornalasqan politsiia departamentine nemese myna telefon nómirlerine habarlasa alady: 8 (7172) 71-61-71, 71-62-47, 71-60-10, 8-708-904-94-987.
