Elordada eki kún boiy jalǵasatyn «Nazarbaev Ziiatkerlik mektepteri» derbes bilim berý uiymynyń uiymdastyrýymen «Mektep álemin ózgertetin ustazdar» atty XI halyqaralyq ǵylymi-tájiribelik konferentsiiasy ótip jatyr.
Konferentsiia qatysýshylary qatarynda Qazaqstannyń ár óńirinen kelgen muǵalimder, ǵalymdar, bilim berý mekemeleriniń basshylary, sonymen qatar AQSh, Ulybritaniia, Izrail, Norvegiia, Niderlandy, Frantsiia, Japoniia, Singapýr, Gonkong, Vetnam, Avstraliia, Ispaniia, Resei, Túrkiia, Armeniia sekildi 17 memlekettiń ókilderi bar.
Shara barysynda qala ákimi Altai Kólginov pedagog mamandyǵy - qazir álemdegi eń mańyzdy mamandyqtardyń biri ekenin atap ótti.
«Ustaz-qoǵamdaǵy basty tulǵa. Pedagog balalardy tárbielep, bilim beredi. Balanyń tulǵa bolyp qalyptasýyna úlken septigin tigizedi. Jahandyq álemniń eńbek naryǵynda bolyp jatqan transformatsiialar árbir muǵalimdi «ómir boiy bilim berý» printsipin túsinýdi jáne qabyldaýdy talap etedi. Muǵalimderimiz árdaiym bir-eki qadam alda bolýy kerek», - dedi A. Kólginov.
Al «Nazarbaev Ziiakerlik mektepteri» derbes bilim berý uiymynyń basqarma tóraiymy Kúlásh Shámshidinova baiandamasynda ustazdardyń qandai bolý kerektigine toqtaldy.
«Muǵalimniń dúnietanymy men ózindik sezinýi basty qozǵaýshy kúshterdiń biri bolyp tabylady. Muǵalim eń aldymen ózine-ózi senýi tiis. Barlyq balalardyń oqyp, dami alatynyna, árqaisysynyń oqý nátijeleriniń jaqsara alatynyna senýi kerek, óitkeni onyń barlyǵy ózgermeli. «Balanyń deńgeii osydan artpaidy» dep bir jaqty baǵalaýǵa bolmaidy. Muǵalim óz áreketteri arqyly oqýshyǵa ony túsinip, qoldaitynyn kórsetýi tiis», dedi K. Shámshidinova
Shara barysynda Kembridj ýniversitetiniń bilim berý innovatsiialary ortalyǵynyń direktory Kollin MakLaflin, Izrail Beit Berl kolledjiniń aǵa oqytýshysy Ioram Harpaz, KidZania halyqaralyq bilim berý baǵdarlamalarynyń direktory, balalar aldyndaǵy eńbegi úshin Britan imperiiasy ordeniniń qurmetti ofitseri Ger Graýs, Ýtreht ýniversitetiniń professory Teo Výbbels (Niderlandy), Stenford ýniversiteti Halyqaralyq daiyndyq baǵdarlamalarynyń atqarýshy direktory (AQSh) Rik Sommer siiaqty belgili ekspertter men ǵalymdar jáne bilim salasynyń basqa da álemdik ókilderi baiandama jasady.
Ekikúndik konferentsiia barysynda úsh plenarlyq otyrys, 12 sheberlik sabaǵy, 24 sektsiialyq otyrys ótedi. Sondai-aq sala úzdikteri 12 baǵyt boiynsha júzden astam baiandama, alty seminar, avtograf-sessiialar, poster-sessiialarǵa qatysyp, bilim berý resýrstarynyń kórmesin tamashalaidy.
Jyl saiyn halyqaralyq konferentsiiada tájiribe almasatyn jáne zertteý nátijelerin usynatyn Ziiatkerlik mektepter muǵalimderiniń, pedagogikalyq sheberlik pen pedagogikalyq ólsheýler jáne bilim berý ortalyqtary qyzmetkerleriniń sany artyp keledi. Sharanyń ekinshi kúni halyqaralyq qazylar alqasy «Úzdik poster» jáne «Úzdik prezentatsiia» nominatsiialary boiynsha jeńimpazdardy anyqtap, marapattaidy.
