Jyl saiynǵy dástúr boiynsha búgin Ulttyq mýzeide Halyqaralyq mýzeiler kúnin merekeleý aiasynda «Mýzeidegi tún» aktsiiasy ótip jatyr. Koronavirýs infektsiiasynyń taralýyna bailanysty shara ekinshi jyl qatarynan onlain rejimde ótýde, dep habarlaidy "Ult aqparat".
Biylǵy aktsiianyń taqyryby «Mýzeilerdiń bolashaǵy: qalpyna keltirý jáne jańartý» boldy. Onlain shara tańǵy 10-da bastalyp, keshki 6-ǵa deiin jalǵasady.
«Qurmetti dostar! Barlyǵyn búgingi keremet mereke - Halyqaralyq mýzeiler kúnimen quttyqtaimyn. Bul mereke bizdiń elimizde ǵana emes, álemdegi barlyq mýzeide jyl saiyn atap ótiledi. Biyl «Mýzeidegń tún» aktsiiasy onlain formatta ótýde. Aktsiia ulttyq qundylyqtardy, tarihymyzdy, halqymyzdyń salt-dástúrleri men murajai isin nasihattaýǵa baǵyttalǵan. Búgingi aktsiia arnaiy daiyndalǵan derekti filmdermen jalǵasady», - dedi Qazaqstan Respýblikasy Ulttyq mýzeiiniń direktory Arystanbek Muhamediuly.
Mýzei qyzmetkerleri kórermender úshin kórme men kórme zaldaryna onlain týr uiymdastyryp, qazaq halqynyń materialdyq jáne materialdyq emes mádenietiniń ejelgi qorymdary men qundylyqtarynyń tarihyn aitty. Atap aitqanda, Qazaq handyǵynyń qurylǵanyna 550 jyl tolýyna orai jazylǵan «Máńgilik el» atty kartinalardyń triptihi kórermen nazaryna usynyldy. Bul sýretter Qazaq handyǵynyń qurylý protsesi, memleket tarihy týraly baiandaidy. Sýretterdiń biri Qazaqstan Respýblikasynyń Tuńǵysh Prezidenti - Elbasy Nursultan Nazarbaevqa arnalǵan.
Ózderińiz biletindei, 2020 jyl uly Abaidyń 175 jyldyǵyn toilaý jyly bolyp jariialandy. Onlain-týr kezinde olar uly aqynnyń shyǵarmalary ornalasqan zaldy da kórsetti.
Joǵaryda aitylǵandardan basqa, tyńdaýshylarǵa ejelgi dáýirden qalǵan qundy jádigerler týraly aityldy. Ekskýrsovod ǵalymdardyń, tarihshylardyń arheologiialyq oljalary, «Tobyl oishyly» músini, altynnan jasalǵan buiymdar, kúmis tostaǵan, jáne asqa da qundy aqparat aitty.
