Elordada mektepterdiń bári de qashyqtan oqytý rejimine kóshýi múmkin. Bul týraly Nur-Sultan qalasynyń bas sanitarlyq dárigeri Janna Pralieva málim etti, dep habarlaidy "Ult aqparat".
«Oqýshylar men oqytýshylar arasynda COVID-19 jaǵdailarynyń tirkelýi kún saiyn jalǵasyp jatqandyqtan, menshik nysanyna qaramastan, mektepterdi qashyqtan oqytý júiesine kóshý máselesi qarastyrylýda. 10 jeltoqsandaǵy jaǵdai boiynsha, aýdandyq sanepidbaqylaý basqarmalarynyń Bas memlekettik sanitarlyq dárigerleriniń qaýlylarymen 20 mektepte oqý protsesi 14 kúnge onlain rejimge aýystyryldy», - dedi Janna Pralieva qala ákimdiginde ótken baspasóz máslihatynda.
Onyń aitýynsha, oqý jylynyń basynan beri barlyǵy 224 oqýshy aýyrǵan. Onyń 179 – y qashyqtan (qaladan tys jerlerden kelgen oqýshylar sany - 15, onyń ishinde offlain rejimde - 2) oqyǵandar. Mektep boiynsha barlyǵy 590 qatynasta bolǵan azamat tekserildi. 8 jaǵdaida mektep oqýshylary jáne 1 jaǵdaida oqytýshy qarym-qatynasta bolǵandyqtan aýyrǵan.
