2019 jyly jańartylǵan bilim berý baǵdarlamasy boiynsha qalanyń 149 tárbieshisi biliktiligin arttyrý kýrsynan ótti, dep habarlaidy qala ákimdiginiń resmi saity.
Qalalyq bilim basqarmasy elordanyń barlyq pedagogtarynyń, sonyń ishinde memlekettik jáne jekemenshik balabaqshalardaǵy tárbieshileriniń biliktiligin arttyrý kýrstaryn turaqty túrde ótkizedi. Máselen, jańartylǵan bilim berý baǵdarlamasy boiynsha 2019 jyly 149 tárbieshi biliktilikti arttyrý kýrsynan ótti. 2016-2019 jyldar aralyǵynda «Órleý» BAUO AQ qysqa merzimdi kýrstarda mektepke deiingi bilim berýdiń 3398 pedagogy oqydy, onyń ishinde 135 dene shynyqtyrý muǵalimi, 2895 tárbieshi, 140 ádisker, 26 mýzyka muǵalimi, 53 aǵylshyn tiliniń muǵalimi, 97 psiholog, 52 qazaq tiliniń muǵalimi. «Órleý» RIPKSO-da 71 meńgerýshi menedjment kýrsynan ótti.
Nazarbaev Ýniversitetimen yntymaqtastyq aiasynda 2018 jyly balabaqshalardyń 25 meńgerýshisi «Bilim berýdegi kóshbasshylyq» kýrstarymen qamtyldy. Sonymen qatar, elordada turaqty negizde ártúrli kásibi jumystar men konfliktologiia kýrstary ótkiziledi. Qala boiynsha mektepke deiingi uiymdarda beinebaqylaý kameralary belsendi engizilýde jáne jańartylýda.
Búgingi tańda balabaqshalarda 2465 beinebaqylaý kamerasy ornatylǵan, onyń 1050-i biyl qosyldy. 2020 jyly taǵy 2000-nan astam kamerany ornatý jáne aýystyrý josparlanyp otyr. Bul ata-analardyń balasyn kɵrip, baqylap otyrýyna, qajet jaǵdaida tiisti sheshim qabyldaýyna múmkindik beredi.
Aita keteiik, elordalyq mektepke deiingi uiymdarda 3 092 tárbielenýshi jumys jasaidy.
