Nur-Sultan qalasynda meditsinalyq maskalardy qymbat baǵaǵa satqan bir top azamat anyqtaldy, dep habarlaidy "Ult aqparat" QR Qarjy ministrligi Qarjy monitoringi komitetiniń baspasóz qyzmetine silteme jasap.
«2020 jylǵy 18 naýryzda QR QM Qarjy monitoringi komitetiniń Nur-Sultan qalasy boiynsha Ekonomikalyq tergeý departamenti Pavlodar oblysy boiynsha Ekonomikalyq tergeý departamentimen birlese otyryp zańsyz kásipkerlik qyzmet faktisin anyqtady. Respýblikadaǵy tótenshe jaǵdaiǵa orai elordalyq bir top azamat halyqqa qymbat baǵada 55 myń dana meditsinalyq maskany satýmen ainalysqan. Sondai-aq, olardyń bul maskalarǵa beriletin arnaiy qujattary bolmaǵan. Maskany satýdan túsken paidanyń jalpy somasy 12 mln 500 myń teńgeni qurady. Qazirgi ýaqytta sotqa deiingi tergeý amaldary bastaldy», - delingen málimette.
Qazaqstandyqtar betperdelerdi qymbat baǵaǵa satý faktileri týraly senim telefondaryna habarlai alady.
«Eger meditsinalyq maska men antiseptika quraldarynyń baǵasyn negizsiz kóterý faktileriniń kýási bolsańyzdar, kelesi senim telefondary boiynsha: QR QM Qarjy monitoringi komiteti – 8 (7172) 70-84-78, Nur-Sultan qalasy boiynsha ETD – 8 (7172) 31-61-45 habarlasýdy suraimyz», - dedi vedomstvodan.
