نۇر-سۇلتان قالاسىندا مەديتسينالىق ماسكالاردى قىمبات باعاعا ساتقان بٸر توپ ازامات انىقتالدى, دەپ حابارلايدى "ۇلت اقپارات" قر قارجى مينيسترلٸگٸ قارجى مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
«2020 جىلعى 18 ناۋرىزدا قر قم قارجى مونيتورينگٸ كوميتەتٸنٸڭ نۇر-سۇلتان قالاسى بويىنشا ەكونوميكالىق تەرگەۋ دەپارتامەنتٸ پاۆلودار وبلىسى بويىنشا ەكونوميكالىق تەرگەۋ دەپارتامەنتٸمەن بٸرلەسە وتىرىپ زاڭسىز كەسٸپكەرلٸك قىزمەت فاكتٸسٸن انىقتادى. رەسپۋبليكاداعى تٶتەنشە جاعدايعا وراي ەلوردالىق بٸر توپ ازامات حالىققا قىمبات باعادا 55 مىڭ دانا مەديتسينالىق ماسكانى ساتۋمەن اينالىسقان. سونداي-اق, ولاردىڭ بۇل ماسكالارعا بەرٸلەتٸن ارنايى قۇجاتتارى بولماعان. ماسكانى ساتۋدان تٷسكەن پايدانىڭ جالپى سوماسى 12 ملن 500 مىڭ تەڭگەنٸ قۇرادى. قازٸرگٸ ۋاقىتتا سوتقا دەيٸنگٸ تەرگەۋ امالدارى باستالدى», - دەلٸنگەن مەلٸمەتتە.
قازاقستاندىقتار بەتپەردەلەردٸ قىمبات باعاعا ساتۋ فاكتٸلەرٸ تۋرالى سەنٸم تەلەفوندارىنا حابارلاي الادى.
«ەگەر مەديتسينالىق ماسكا مەن انتيسەپتيكا قۇرالدارىنىڭ باعاسىن نەگٸزسٸز كٶتەرۋ فاكتٸلەرٸنٸڭ كۋەسٸ بولساڭىزدار, كەلەسٸ سەنٸم تەلەفوندارى بويىنشا: قر قم قارجى مونيتورينگٸ كوميتەتٸ – 8 (7172) 70-84-78, نۇر-سۇلتان قالاسى بويىنشا ەتد – 8 (7172) 31-61-45 حابارلاسۋدى سۇرايمىز», - دەدٸ ۆەدومستۆودان.
