Elordada Mindetti áleýmettik meditsinalyq saqtandyrý júiesi jumysyn qadaǵalaý maqsatynda arnaiy keńes qurylady. Bul týraly Nur-Sultan qalalyq Qoǵamdyq densaýlyq saqtaý basqarmasynyń basshysy Sáýle Qisyqova málim etti, dep habarlaidy "Ult aqparat".
«MÁMS-ti halyq arasynda túsindirý jumystary búgingi kúnge deiin óz jalǵasyn tabýda. Jyl basynan beri 11 myńnan astam kezdesý uiymdastyrylyp, onyń aiasynda 700 myńnan artyq eresek azamat qamtyldy. Bul – elorda jurtynyń 98,5 paiyzyn quraidy. Odan bólek, áleýmettik jelilerde MÁMS týraly 15 myńnan astam material jariialanyp, 1 mln astam túsindirme paraǵy turǵyndarǵa taratyldy. Sonymen qatar, aldaǵy 19 jeltoqsan kúni «IKOMEK» ortalyǵy arqyly halyqqa túsindirý jumystaryn uiymdastyratyn bolamyz. Jáne «Januia» otbasyn qoldaý ortylyǵynda da aqparattyq túsindirý jumystaryn qolǵa alatyn bolamyz. Taǵy bir aityp ótetin jait, atalǵan jumystarǵa monitoring júrgizý maqsatynda bizdiń basqarmada MÁMS boiynsha keńes qurýdy josparlap otyrmyz. Qazir arnaiy buiryq shyǵarý jumystary júrgizilýde. Onyń maqsaty – MÁMS boiynsha atqarylyp jatqan jumys barysyna monitoring júrgizý», - dedi S. Qisyqova MÁMS júiesin engizýge arnalǵan ákimdiktegi otyrysta.
