Elordadaǵy lombardtardyń birin tonady degen kúdikpen Aqmola oblysynyń turǵyny ustaldy, dep habarlaidy QazAqparat tilshisi qalalyq politsiia departamentine silteme jasap.
Nur-Sultan qalalyq politsiia departamenti Kriminaldyq politsiia basqarmasynyń aqparatyna sáikes, 3 sáýir kúni politsiiaǵa belgisiz adam habarlasyp, túski as ýaqytynda Gete kóshesiniń boiyndaǵy lombardqa kirip, qyzmetkerin qarýǵa uqsas zatpen qorqytý arqyly aqsha berýin talap etkenin habarlaǵan. Ol aqshany alǵannan keiin qylmys ornynan ketip qalǵan.
«Atalǵan qylmysty ashý úshin elordalyq departamenttiń jeke quramy men qoǵamǵa baǵdar jiberildi. 5 sáýir kúni shamamen saǵat 17:00-de tártip saqshylarynyń jedel ári úilesimdi is-qimyly jáne azamattardyń járdemimen atalǵan qylmysty jasady degen kúdikke ilikken Aqmola oblysynyń turǵyny ustaldy. Kúdiktiniń aitýynsha, ol buǵan deiin atalǵan lombardta bolyp, kúzettiń joq ekenin baiqaǵan jáne qylmysyn josparlaǵan. Sotqa deiingi tergeý amaldary júrgizilip jatyr. Zattai aiǵaqtar tárkilendi», - dep atap ótti departamentten.
Vedomstvo málimetinshe, kúdiktiniń buǵan deiin de osyǵan uqsas qylmys jasaǵany anyqtalǵan.
«Onyń buǵan deiin jasalǵan ózge qylmystarǵa qatysy tekserilip jatyr. Atalǵan azamattyń zańǵa qaishy áreketinen zardap shekken azamattardy Nur-Sultan qalalyq politsiia departamentine myna mekenjai nemese telefon nómirleri arqyly júginýin ótinemiz: Beibitshilik k. 19, (7172) 71-61-51; 71-66-40 ne 102 nómiri»,- deidi vedomstvodan.
