Elordada liftin aýystyratyn úilerdiń tizimi jasaldy. Bul týraly Nur-Sultan qalasynyń ákimi Altai Kúlginov aitty, dep habarlaidy "Ult aqparat".
«Kóppáterli úilerdiń turǵyndary úshin liftter asa qajet ekeni belgili. Ókinishke qarai, keibir úilerdegi liftter apatty jaǵdaida, al keibireýleri tipti jumys istemeidi de. Biz biyl liftin aýystyratyn úilerdiń tizimin jasadyq. Mysaly, «Sun city» (Ǵabdýllin kóshesi, 11) turǵyn úi kesheninde bir podezdiń lifti 2009 jyldan beri jumys istemegen, al basqalary apatty jaǵdaida bolypty. Adamdar birneshe ret liftte qamalyp, mamandardy shaqyrýǵa májbúr bolǵan. Endi osy úige «Nurly jer 2020-2025» turǵyn úi - kommýnaldyq keshendi damytý baǵdarlamasy aiasynda jańa liftter ornattyq», - dedi ákim óziniń jelidegi paraqshasynda.
Ákimniń aitýynsha qalada jarty jylǵa jetpeitin ýaqyt ishinde 100 liftti jańartyrmaq jáne qazirgi kezde onyń 30 lift jańartylǵan.
«Buǵan qosa, sol turǵyn úi - kommýnaldyq keshendi damytý baǵdarlamasy boiynsha 50-den astam kóppáterli úilerdi jóndeýden ótkizemiz, olardyń ishinde mysaly - «Orbita», «Territoriia komforta-2», t.b. turǵyn úi keshenderi bar», - dep tolyqtyrdy ákim.
