Elordalyq turǵyn úi keshenderiniń birindegi liftide dáret syndyrǵan meditsina qyzmetkeri videoǵa túsip qaldy, - dep habarlaidy Massaget.kz.
Turǵyndardyń biri basylymǵa meditsinalyq formadaǵy áieldiń lift kabinasynda dáretke otyrǵany túsirilgen video jiberdi.
"Oqiǵa 14 shildede bolǵan. Shákárim Qudaiberdiuly kóshesindegi turǵyn úige kelgen meditsina qyzmetkeri liftke kirip, 8-qabatty basyp, dáret syndyrǵan", - deidi úi turǵyndarynyń biri.
Elordalyq densaýlyq saqtaý basqarmasynyń baspasóz qyzmeti videoǵa qatysty túsinikteme berdi.
"Videodaǵy meditsina qyzmetkeri - qalalyq emhanadaǵy jyljymaly brigadanyń qyzmetkeri. Alaida emhana basshylyǵynyń aitýynsha, ol 15 shildeden beri mekemede jumys istemeidi. Sondai-aq, istegen isine ókinip, osy turǵyn úi kesheniniń turǵyndarynan keshirim surady. Janjaldyń sheshilgenin habarlaimyz", - dep habarlady qala ákimdigi.
