Jelsiz kúnderi Nur-Sultan qalasyn qoiý tútin basady. Bul týraly Nur-Sultan qalasy ákimi Altai Kólginov halyqqa esep berý kezdesýinde aitty, dep habarlaidy "Ult aqparat".
«Biz ekologiiany oilaýymyz kerek. Qazirgi ýaqytta buǵan qatysty qiyndyq bar. Kún sýyq jáne jelsiz kúnderi qalany qoiý tútin basady. Osyndai kórinis byltyr da bolǵan, biyl da baiqalady. Bul adamnyń densaýlyǵyna ziian keltiredi. Qala turǵyndarynyń sany jyl ótken saiyn arta túsetinin eskersek, bul másele tereńdei beredi», - deidi Altai Kólginov.
Ol qalaǵa gaz tartý bul máseleni sheshýge kómektesetinin aitty.
«Qys mezgilinde 1-jylý elektr stantsiiasy men 2-jylý elektr stantsiiasy 3 million 800 myń tonna kómir jaǵady. Jeke sektorlar 500 myń tonna kómir jaǵady. Sonda qys boiy shamamen 4,5 million tonna kómir jaǵamyz. Bul – atmosferaǵa 40 myń tonna ziiandy zattardyń bólinýi degendi bildiredi. Biz osymen tynystap jatyrmyz», - deidi ol.
Sondai-aq, ol aýa lastaityn zattardyń biri – kólikter ekenin aitty.
«Kólikter sany jyl ótken saiyn kóbeiip kele jatyr. Biz bul týraly oilaýymyz kerek. Qalaǵa gaz tartý aýa lastanýynyń tórtten bir bóligin azaitady. Kóbi gaz baǵasy týraly suraq qoiady. Qazir esepteý jumystary júrip jatyr», - deidi qala ákimi.
