Elordada sýyq sý qubyry jarylyp, Pýshkin kóshesin sý basty, dep habarlaidy "Ult aqparat".
«Astana sý arnasy» mekemesiniń málimetinshe, búgin saǵat 12-30-da «QazGerQurylys» JShS merdiger kompaniiasy jer qazý jumystaryn júrgizý barysynda diametri 900 mm-lik shoiyn qubyrdy zaqymdaǵan. Qazirgi ýaqytta atalǵan aýmaqta turatyn turǵyndardy basqa qubyrǵa qosý jáne zaqymdanǵan qubyrdy jóndeý jumystary júrgizilip jatyr.
«Sý jetkizý uiymdastyryldy. Sý tasityn kóliktiń qai jerde turǵanyn 76-76-76 nómiri arqyly anyqtaýǵa bolady. Ýaqytsha qolaisyzdyq úshin keshirim suraimyz», - dedi baspasóz qyzmetinen.
Qazirgi ýaqytta Eýraziia ulttyq ýniversiteti men Otyrar kitaphanasy aralyǵyndaǵy joldyń boiy jiek tastardyń boiymen birdei sý basqan. Adamdar joldan arly-berli aiaq kiimderin sheship tastap ótýge májbúr.
