Elordada koronavirýs juqtyrǵandar sanynyń ósýine bailanysty KVI jáne pnevmoniiamen aýyratyn naýqastardy emdeý úshin qosymsha tósekter ornalastyryldy, dep habarlaidy "Ult aqparat" qala ákimdigine silteme jasap.
Máselen, kovidke qaita beiindelgen eki statsionarda infektsiialyq tósek sany 400-ge deiin artty. Buǵan deiin Qoǵamdyq densaýlyq saqtaý basqarmasy qosymsha tósek-oryn sanyn jáne reanimatsiia bóliminde 80-nen astam tósek-oryn sanyn kóbeitken edi.
Qaita beiindelgen 16 kovid statsionarynda jalpy sany 4 myńǵa jýyq infektsiialyq tósek bar.
«Reanimatsiialyq tósek-oryndardyń birde-bireýi bos bolmaǵan kúnder boldy. Bul biz úshin qiyn kezeń boldy. Baqytymyzǵa orai, patsientter jazylyp, qaitadan palataǵa aýystyryldy. Degenmen, ókinishtisi, palataǵa da, úiine de orala almaǵan naýqastar boldy. Azamattarǵa ekpeniń mańyzdylyǵyn taǵy da eske salǵym keledi. Tek vaktsinatsiia óz densaýlyǵyńyzdy, sondai-aq jaqyndaryńyzdyń densaýlyǵyn qorǵaýǵa múmkindik beredi», - dedi basqarma basshysy Timýr Muratov.
Buǵan deiin T.Muratov reanimatsiia bólimine KVI-ge qarsy ekpe almaǵan patsientter túsetinin atap ótken. Sonymen qatar, olardyń densaýlyq jaǵdaiy 2-3 kún ishinde kúrt nasharlap ketetinin aitqan.
