Elordada karantin aiaqtalǵanǵa deiin serýendeý kemesiniń jumysyna, kóshe saýdasynyń kez kelgen túrine tyiym salynǵan. Bul týraly Nur-Sultan qalasynyń Bas memlekettik sanitarlyq dárigeri Janna Piráievanyń qaýlysynda kórsetildi, dep habarlaidy "Ult aqparat".
Qaýlyda aitylǵandai, jobamen 50 adam otyratyn orny bar dámhana men meiramhanalardyń jumysyna ruqsat etilgen, biraq ujymdyq is-sharalar ótkizýge jáne banket pen saltanatty zaldardyń jumysyna tyiym salynady.
«Sanitarlyq-epidemiologiialyq talaptar men karantindik rejimdi saqtai otyryp, bilim berý ortalyqtarynyń, ártúrli sala mamandaryn daiarlaý kýrstarynyń, seminar sabaqtarynyń, eresekterge arnalǵan úiirmelerdiń qyzmetine ruqsat etilsin. Tek jeke sabaqtar bolýy kerek nemese toptaǵy adam sany beseýden aspaýy shart», - delingen qujatta.
Sondai-aq, serýendeý kemesiniń jumys isteýine, kóshe saýdasynyń kez kelgen túrine tyiym salynǵan.
