Elordada saltanatty kólik sherýine qatysqan 15 avtomobildiń iesi ákimshilik jaýapkershilikke tartyldy, dep habarlaidy "Ult aqparat".
Nur-Sultan qalalyq politsiia departamentiniń málimetinshe, 5 qańtar kúni Instagram jelisindegi «Sergek avtoqaýymdastyǵy» paraqshasynda «Han Shatyr» saýda oiyn-saýyq ortalyǵynyń turaǵynan 15 kóliktiń esh kedergisiz Turan dańǵylyna shyǵý úshin joldy japqan qara tústi KIA avtomobili júrgizýshisiniń ákimshilik quqyq buzýshylyǵyna qatysty videomaterial jariialanǵan.
«Politsiia qyzmetkerleri atalǵan videojazbany zerdelep, «kortejdiń» barlyq qatysýshylaryn anyqtaý sharalaryn qabyldady. Qazirgi ýaqytta politsiia barlyq 15 quqyq buzýshyny jáne KIA kóliginiń júrgizýshisi – 1992 jylǵy QR azamaty Tashbýlathon Mýbarakovty anyqtap, QR ÁQBK 614-baby 1-tarmaǵy, 590-baby 5, 10-baptarymen ákimshilik jaýapkershilikke tartty», - dep atap ótedi departamentten.
Vedomstvo aqparatyna sáikes, T.Mýbarakov buǵan deiin de jol qozǵalysy erejesin birneshe ret buzǵany úshin ákimshilik jaýapkershilikke tartylǵan.
«Kortejdiń» barlyq qatysýshylarynyń kólikteri kommýnaldyq turaqqa qoiyldy. Buǵan qosa, atalǵan viderolik túrli dybystyq, onyń ishinde stroboskop jáne dabyl qosý arqyly óńdelgeni anyqtaldy», - delingen habarlamada.
